«Ֆլորենս» ռեստորանների ցանցը համալրվել է: Այս անգամ յուրահատուկ ինտրերիերով և բարձրակարգ ծառայություններով ռեստորանը գարնանն իր դռները կբացի Գյումրիում՝ «Ֆլորենս Գյումրի» անունով: Այս մասին Ամանորին ընդառաջ կազմակերպված տոնական երեկոյի ժամանակ հայտարարել է «Ֆլորենս» ռեստորանի տնօրեն Մայ Անուշավանյանը:
Երեկոյի սկզբում նախ տեղի է ունեցել «Ֆլորենս Գյումրի»-ի պրեզենտացիան, որին հաջորդեցին տոնական լույսերի վառման արարողությունը, շքեղ հրավառություն, և, իհարկե, «Ֆլորենս» հրուշակեղենի, մասնավորապես, բարձրորակ ֆիրմային շոկոլադների համտես:
«Ամփոփելով 2018-ը ՝ «Ֆլորենս»-ը մուտք է գործում 2019 թվական, նոր ծրագրերի, նոր աշխատատեղերի, հասարակական սննդի բնագավառում նոր մշակույթ ստեղծելու ակնկալիքով: 7 տարուց ավելի պատմություն ունեցող այս ռեստորանը այլևս ցանցի տեսքով է ներկայանում: Արցախում գործում է «Ֆլորենս գարդեն» ռեստորանը, որի հանդեպ հետաքրքրություն ունեն, և արդեն հասցրել են հավատարիմ հաճախորդ դառնալ, ոչ միայն տեղացիները, այլև զբոսաշրջիկները: Վստահ ենք, որ «Ֆլորենս Գյումրի»-ն ևս զբոսաշրջիկների ու տեղացիների սիրելի վայրը կդառնա:
Երեկոն գերհագեցած էր ամանորյա տրամադրությամբ, իսկ երեկույթն ընթանում էր «Ֆլորենս» բենդի երաժշտական նրբաճաշակ կատարումներով:
Հավելենք, որ «Ֆլորենս»-ի տոնական լույսերն ու զարդարանքը, ինչպես յուրաքանչյուր տարի, այս տարի ևս, յուրօրինակ ու տարբերվող է, որի ականատեսը կարող եք լինել նաև դուք՝ մասնակից դառնալով դեկտեմբերի 31-ին կազմակերպված ամանորյա տոնակատարությանը:
