![](img/news/48/71/04/default.jpg)
Facebook Inc-ը հայտարարել է, որ առանց օգտատերերի թույլտվության չի ապահովել նրանց անձնական տվյալների հասանելիությունը այն բանից հետո, ինչ New York Times-ը հայտնել էր, որ սոցցանցը մի քանի տեխնիկական հսկաների համար անձնական տվյալներին ավելի շատ հասանելիություն է ապահովել, քան հայտարարվել էր՝ տեղեկացնում է Reuters-ը։
Թերթը գրել էր, որ Facebook-ը Microsoft Bing որոնողական համակարգին թույլ է տվել տեսնել սոցցանցի օգտատերերի համարյա բոլոր ընկերներին՝ հիմնվելով տվյալների փոխանակման այն գործարքի փաստաթղթերի վրա, որոնց ավելի քան 150 ընկերություններ են մասնակցում։
NYT-ը գրել էր, որ Facebook-ն այնպիսի ընկերություններին, ինչպիսին Netflix-ը եւ Spotify-ն են, օգտատերերի անձնական հաղորդագրությունները կարդալու հնարավորություն է ընձեռել, ինչպես նաեւ թույլ է տվել Amazon-ին ստանալ օգտատերերի անուններն ու նրանց ընկերների միջոցով կոնտակտային տեղեկատվությունը։