ՀՀ վարչապետի կոչից հետո ամառային զորակոչին նախատեսվածից ավել 140-ից ավելի մարդիկ վերադարձել են եւ զորակոչվել զինված ուժեր: Այս մասին այսօր՝ հունվարի 8-ին, Կենտրոնական հավաքակայանում լրագրողների հետ զրույցում ասաց ՀՀ զինվորական կոմիսար, գեներալ-մայոր Հենրիկ Մուրադյանը՝ հավելելով, որ այս տարվա տվյալները կլինեն զորակոչից հետո:
Ինչ վերաբերում է «Ես եմ» եւ «Պատիվ ունեմ» ծրագրերով ծառայության համար դիմողներին, նա նշեց. «Մինչեւ ծնողների հետ չզրուցենք, նրանց համաձայնությունը չլինի, չենք ընդգրկում: Աշխատանքները տանելու ենք մինչեւ հունվարի 26-ը: Դրանից հետո եթե ցանկացողներ կլինեն, արդեն այստեղ պայմանագրերը կկնքնեք ու կուղարկենք զորամասեր: Ես կարծում եմ, որ «Ես եմ» ծրագրով դիմած 72 թիվը դեռ վերջնական չէ, այդ թիվն աճելու է, քանի որ կան դիմումներ, որոնք դեռ քննարկման փուլում են»: