Սաուդյան Արաբիայի կանայք կստանան տեքստային հաղորդագրություններ, եթե նրանց ամուսիններն ամուսնալուծվեն: Համապատասխան օրենքն ուժի մեջ մտավ անցյալ հանգստյան օրերին, գրում է Huffington Post-ը:
Արդարադատության նախարարության որոշումն ուղղված է «գաղտնի ամուսնալուծությունների» մշտական խնդրի լուծմանը, երբ տղամարդիկ ամուսնալուծվում են իրենց կանանցից՝ առանց նրանց այդ մասին տեղեկացնելու։ Օրենքը «քայլ է, որն ուղղված է կին հաճախորդների իրավունքների պաշտպանությանը», - ասվում է արդարադատության նախարարության հայտարարության մեջ:
Յուրաքանչյուր տեքստային հաղորդագրություն պարունակելու է ամուսնալուծության վկայականի համարը եւ համապատասխան դատարանի անվանումը: Կանայք նաեւ կարող են մուտք գործել ամուսնալուծության փաստաթղթեր՝ նախարարության կայքում:
«Նոր միջոցառումն ամուսնալուծությունից հետո ալիմենտ ստանալու իրավունք է տալիս կանանց», - Bloomberg- ին ասել է սաուդյան իրավաբան Նիսրին ալ-Համդին: