«Իմ քայլը» խմբակցության նիստին քննարկվել են արտաքին, ներքին օրակարգային հարցեր․ այս մասին խմբակցության նիստի ընդմիջմանը լրագրողների հետ զրույցում ասաց ԱԺ պատգամավոր Ալեն Սիմոնյանը։
Նա նշեց, որ վարչապետի պաշտոնակատար Նիկոլ Փաշինյանի հետ եղել է հարց ու պատասխան, քննարկվել է հարցերի ամբողջ սպեկտրը՝ արտաքին, ներքին, Աժ-ի աշխատանքին վերաբերող հարցեր, գալիք աշխատանքների տրամաբանությունը եւ գործելաոճը։
Խմբակցության նիստում քննարկում է եղել նաեւ ընդդիմությանը հասանելիք փոխոսնակի պաշտոնի շուրջ, թե որ ուժի թեկնածուին են նախապատվություն տալու, սակայն Ալեն Սիմոնյանի խոսքով՝ դրա վերաբերյալ «որոշում չկա, ամենաճիշտ ձեւակերպումը՝ եղել է մտքերի փոխանակում»։
