Նյու Յորքից դեմոկրատ սենատոր Քիրստեն Հիլիբրանդը հայտարարել է 2020 թվականին ԱՄՆ նախագահական ընտրություններին մասնակցելու մտադրության մասին, հաղորդում է Gazeta-ն՝ վկայակոչելով CNN-ին:
Նշվում է, որ նա այդ մասին ասել է հեռուստահաղորդավար Սթիվեն Քոլբերին: Նա հայտարարել է, որ որպես նախագահ, կցանկանար դիմակայել Վաշինգտոնի «կոռուպցիային եւ ագահությանը», ինչպես նաեւ զբաղվել առողջապահական համակարգի եւ դպրոցական կրթության բարելավմամբ:
Հիլիբրանդն առաջինն էր, ով Մինեսոտայից իր գործընկեր սենատոր Էլ Ֆրանկենին մեղադրեց 2017թ․-ին սեռական ոտնձգությունների համար: Նրանից հետո նույն մեղադրանքն արեցին ավելի քան տասը կանայք: