McLaren ընկերությունը ներկայացրել է 600LT – Spider սուպերքարի բաց տարբերակը: Մեքենան սահմնափակ քանակով կթողարկվի: Նախատեսվում է այն կոնվեյերից 12 ամիս անց հանել: Մեքենան կլինի արդեն 5-րդ Longtail մոդելը. շարքի հիմնադիրը դարձել է 1997-ին ներկայացված F1 GTR LT-ն, հայտնում է Motor-ը:
Բաց սուպերքարը կուպեից ընդամենը 50 կգ-ով է ծանր, բայց 100 կգ-ով ավելի թեթեւ, քան 570S Spider-ը:
Մեքենան 1297 կգ քաշ ունի: Նման արդյունքի, ճիշտ է, կարելի է հասնել միայն MSO Clubsport փաթեթի ձեքռբերման դեպքում, որն արժե 18,2 հազար ֆունտ սթերլինգ: Դրա կազմի մեջ են մտնում անիվների տիտանե հեղույսները եւ կարբոնից բազմաթիվ տարրեր, այդ թվում նստատեղերի ածխապլաստիկ կարկասները: