Մերձավորարեւելան հուզումների ալիքն, իհարկե, կհասնի Իրան, սակայն այն չի ունենա նույն թափն ու հզորությունը, քանի որ Իրանը տարբերվում է նրանով, որ միակ իսլամիստական երկիրն է: NEWS.am-ի թղթակցի հետ զրույցում հայտարարել է Ռազմավարական եւ ազգային հետազոտությունների հայկական կենտրոնի ղեկավար Ռիչարդ Կիրակոսյանը, հավելելով, որ Իրանն, ըստ էության, թաքնվում է Իսլամի ետեւում:
«Ըստ էության, Իրանի իշխանությունները, օգտագործելով այդ գործոնը, փորձում են լրացնել լեգիտիմության անբավարարությունը: Բացի այդ, Իրանի ղեկավարությանը չի սպառնում Եգիպտոսի կամ Թունիսի սցենարը, որտեղ բանակն անցավ ժողովրդի կողմը, Իրանում չկա բանակ, որպես այդպիսին, կան հեղափոխական ստորաբաժանումներ, որոնք պաշտպանում են բացառապես իշխանության շահերն ու անվտանգությունը»,- պարզաբանել է փորձագետը:
Ըստ Կիրակոսյանի, Իրանում նախագահական ընտրություններից հետո արդեն հեղափոխության փորձ եղել է, բայց դա հաջողությամբ չի պսկավել: «Մի խոսքով, Իրանի առջեւ ծառացած մարտահրավերները տարբերվում են նրանցից, որ կան մերձավորարեւելյան երկրներում, ուստի աֆրիկյան սցենարների կրկնությունը բացառվում է»,- ամփոփել է փորձագետը:
