Ամերիկյան դաշնային դատարանները կառավարության աշխատանքի մասնակի դադարեցման («շաթդաուն») հետեւանքով բյուջետային ֆինանսավորման անբավարարության պատճառով կարող են երկու շաբաթից դադարեցնել իրենց գործունեությունը։ Այդ մասին հայտնել է The New York Times (NYT) թերթը։
Թերթը պարզաբանում է, թե սպասվում է, որ փետրվարի սկզբից կսառեցվեն դատավորների եւ արդարադատության ոլորտի այլ աշխատակիցների աշխատավարձերը։ Դա սպառնում է նաեւ սպասարկող անձնակազմին, որը պատասխանատու է հրշեջ անվտանգության եւ շենքերի կենսապահովման համակարգի աշխատանքների համար։
Միջոցների տնտեսման եւ դատավորներին աշխատելու հնարավորության ընձեռման նպատակով՝ դատական շատ ատյաններում որոշում է ընդունվել զբաղվել միայն քրեական գործերով եւ հետաձգել քաղաքացիական հայցերը՝ հայտնել են թերթի աղբյուրները։
