Բելառուսի նախագահ Ալեքսանդր Լուկաշենկոն ցանկալի հյուր է Հայաստանի համար։ Այս մասին փետրվարի 5-ին լրագրողների հետ հանդիպմանն ասել է Հայաստանի արտաքին գործերի նախարարության մամուլի քարտուղար Աննա Նաղդալյանը՝ պատասխանելով հարցին, թե արդյոք հայկական կողմի համար սպասելի է Բելառուսի նախագահ Ալեքսանդր Լուկաշենկոյի այցը, թե ոչ։ Նրա խոսքով՝ իրենք աշխատելու են այդ հարցի շուրջ դիվանագիտական խողովակներով։ «Իսկ կոնկրետ ժամկետների մասին ոչինչ ասել չեմ կարող»,- նշել է Նաղդալյանը։