Տարածաշրջանում սպառազինությունների մրցավազքի հարցը մշտապես եղել է ԱԳՆ-ի օրակարգում: Փետրվարի 5-ին լրագրողների հետ հանդիպմանն այս մասին ասաց ԱԳՆ մամուլի քարտուղար Աննա Նաղդալյանը՝ անդրադառնալով Ադրբեջանին՝ իսրայելական ռազմական անօդաչու թռչող սարքերի վաճառքի հարցին:
Նա մասնավորպաես նշեց, որ հայկական կողմը պատրաստվում է այս հարցը բարձրացնել ինչպես երկկողմ, այնպես էլ բազմակողմ հարթակներում եւ այս հարցով բացառություններ չեն լինելու:
«Հարկ է նշել եւ մշտապես կրկնել միջազգային գործընկերներին մեր դիրքորոշումը, որ տարածաշրջանում սպառազինությունների մրցավազքը չափազանց վտանգավոր է», - հավելեց Նաղդալյանը:
Պետք է նշել, որ իսրայելական «Aeronautics Defense Systems» ընկերությունը որոշել է ռազմական նշանակության անօդաչու թռչող սարքերը վաճառել Ադրբեջանին: