Դա ճիշտ չէ, որ Հայաստանի կառավարության ծրագրում ոչ մի կոնկրետ թիվ եւ նպատակ չկա։ Այս մասին իշխող խորհրդարանական «Իմ քայլը» խմբակցության փակ նիստից հետո փետրվարի 7-ին լրագրողների հետ զրույցում հայտարարեց Հայաստանի ֆինանսների նախարար Ատոմ Ջանջուղազյանը՝ մեկնաբանելով կառավարության նոր ծրագրի հանդեպ արտախորհրդարանական ընդդիմության եւ փորձագիտական հանրության քննադատությունը։
Սակայն, նրա խոսքերով, այդ գնահատականները գոյության իրավունք ունեն։ «Ես բոլորովին համամիտ չեմ այդ գնահատականների հետ։ Կառավարության ծրագիրը բազային թվային ինդիկատորներ ունի, որոնք լիովին բավարար են։ Կառավարության ծրագրում կան կարեւոր դրույթներ, որոնք հայտարարում են կոնկրետ ուղղությունների, նպատակների մասին եւ սպառիչ տեղեկատվություն են ներկայացնում այն մասին, թե ինչ անել»,- պարզաբանեց Ջանջուղազյանը։ Նախարարը վստահ է, որ ընդունված ծրագրերը կհետեւեն միջոցառումների կոնկրետ ծրագրին, որտեղ նշված կլինեն ամսաթվեր, թվեր եւ հետագա գործողություններ։ Ընդ որում, նա հայտարարեց, որ կառավարության պլանն, ըստ էության, ավելի շատ հայտարարություն է որոշակի նպատակների եւ քայլերի մասին, որոնք պետք է նախաձեռնել։
