«Իսլամական պետությունը» բնավ հաղթված չէ եւ դրա փոխարեն վերածվում է անհամաչափ զինված ուժերի Սիրիայում իր կողմից վերահսկվող տարածքները կորցնելուց հետո: Այդ մասին հայտարարել է Գերմանիայի կանցլեր Անգելա Մերկելը, հաղորդում է Reuters-ը:
«Բարեբախտաբար, այսպես կոչված «Իսլամական պետությունը» վտարվել էր իր տարածքից, սակայն դա, ցավոք, չի նշանակում, որ ԻՊ-ը ոչնչացել է»,-ասել է Մերկելը: «Այն վերածվում է անհամաչափ զինված ուժերի: Եւ դա, իհարկե, սպառնալիք է»:
Նրա խոսքերով՝ «մենք դեռեւս հեռու ենք Սիրիայում խաղաղությունից»:
