Փետրվարի 11-ին Արցախի Հանրապետության արտաքին գործերի նախարար Մասիս Մայիլյանն ընդունել է Արցախում «The HALO Trust» միջազգային ոչ կառավարական կազմակերպության ծրագրի ղեկավարի պաշտոնում իր առաքելությունն ավարտած Չարլզ ֆոլին եւ ծրագրի նորանշանակ ղեկավար Ասքանազ Համբարձումյանին:
Չարլզ ֆոլը իր երախտագիտությունն է հայտնել Արցախի իշխանություններին համագործակցության եւ հանրապետության տարածքում կազմակերպության կողմից մարդասիրական ականազերծման աշխատանքների գործունեությանը աջակցելու համար: Նա Մասիս Մայիլյանին է ներկայացրել այդ պաշտոնում իրեն փոխարինած Ասքանազ Համբարձումյանին:
Կողմերը քննարկել են Արցախում «The HALO Trust» կազմակերպության մարդասիրական ականազերծման աշխատանքների, ինչպես նաեւ մոտ ապագայում նախատեսվող ծրագրերի իրականացման վերաբերյալ մի շարք հարցեր:
Զրուցակիցները գոհունակություն են հայտնել «The HALO Trust»-ի եւ Արցախի համապատասխան պետական կառույցների միջեւ հաստատված համագործակցության մակարդակի կապակցությամբ:
Հանդիպմանը մասնակցել է նաեւ կազմակերպության տարածաշրջանային տնօրեն Մայքլ Նյուտոնը:
