ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը սկսում է Միջին եւ փոքր հեռահարության հրթիռների ոչնչացման մասին պայմանագրի գործողության դադարեցման պայմաններում պաշտպանական միջոցառումներ պատրաստել, հայտնում է ՏԱՍՍ-ը:
Ստոլտենբերգը նշել է, որ ՆԱՏՕ-ն պատրաստվում է «առանց ՄՓՀՀՊ աշխարհին»: Նրա խոսքով՝ դաշինքը պետք է քայլեր մշակի, «որպեսզի հարմարվի Ռուսաստանի հրթիռներին»:
«Սակայն այդ քայլերն ինչպիսին էլ լինեն, կլինեն հավասարակշռված, համակարգված եւ պաշտպանական: Մենք մտադիր չենք Եվրոպայում նոր հրթիռներ տեղակայել»,- հավաստիացրել է Ստոլտենբերգը:
