News
Լրահոս
News
Ուրբաթ
Հունվար 21
USD
481.66
EUR
546.54
RUB
6.29
Տեսնել լրահոսը

Սաուդյան Արաբիայի իշխանությունները ափսոսանքով են նշում այն փաստը, որ Եվրահանձնաժողովը (ԵՀ) երկիրը ներառել է այն պետությունների ցուցակում, որոնք փողերի լվացման եւ ահաբեկչության ֆինանսավորման դեմ պայքարի բավարար հուսալի մեխանիզմներ չունեն՝ չնայած այդ ոլորտում օրենսդրության խստացման միջոցներին։ Այս մասին հինգշաբթի տեղեկացրել է մամուլի սաուդյան գործակալությունը՝ հղում կատարելով երկրի ֆինանսների նախարար Մուհամեդ ալ Ջադաանին, հաղորդում է ՏԱՍՍ-ը։

Թագավորությունը կրկին հայտնել է իր հավատարմությունը փողերի լվացման եւ ահաբեկչության ֆինանսավորման հետ կապված հանցագործությունների դեմ համաշխարհային հանրության պայքարին։ «Սաուդյան Արաբիայի ռազմավարական առաջնահերթությունն է փողերի լվացմանն ու ահաբեկչության ֆինանսավորմանը դիմակայելը,- գործակալությունը մեջբերում է նախարարի խոսքերը։- Մենք կշարունակենք զարգացնել եւ ուժեղացնել մեր նորմատիվային բազան այդ նպատակին հասնելու համար»։

Ֆինանսների նախարարը ուշադրություն է դարձրել նաեւ այն հանգամանքին, որ ցուցակը պետք է արժանանա Եվրախորհրդարանի ու ԵՄ Խորհրդի հավանությանը, եւ կոչ է արել ԵՀ եւ ԵԽ ներկայացուցիչներին գալ Սաուդյան Արաբիա՝ ստուգելու այն միջոցները, որոնք թագավորությունը նախաձեռնում է տեղական, տարածաշրջանային եւ միջազգային մակարդակներում՝ ֆինանսական հանցագործությունների դեմ պայքարի համար։ «Սաուդյան Արաբիան կշարունակի փոխգործակցել Եվրահանձնաժողովի հետ եւ հույս ունի կառուցողական երկխոսություն վարել ԵՄ գործընկերների հետ, որպեսզի ապահովի փողերի լվացմանը եւ ահաբեկչությանը դիմակայելուն անհրաժեշտ աջակցությունը միջազգային եւ տարածաշրջանային մակարդակներում»,- հավելել է ալ-Ջադաանը։

Բացի այդ, ինչպես ցույց են տալիս անցած տարվա սեպտեմբերին փողերի լվացման դեմ պայքարի ֆինանսական միջոցների մշակման խմբի անցկացրած հետազոտության արդյունքները, ֆինանսական հանցագործությունները կանխելու համար Սաուդյան Արաբիայի ձեռնարկած միջոցները համապատասխանում են կազմակերպության հանձնարարականներին, տեղեկացնում է գործակալությունը։

ԵՀ-ը փետրվարի 13-ին թարմացրել է փողերի լվացման եւ ֆինանսական ահաբեկչության դեմ պայքարի համար բավարար չափով հուսալի մեխանիզմներ չունեցող երկրների ցանկը։ Դրանում ընդհանուր առմամբ ներառվել է 23 երկիր։

Այժմ ցանկը ներկայացվելու է Եվրախորհրդարանի եւ ԵՄ Խորհրդի քննարկմանը, որոնք եզրակացություն կտան մեկ-երկու ամսվա ընթացքում։ Դրանից հետո այն կհրապարակվի ԵՄ պաշտոնական ամսագրում եւ ուժի մեջ կմտնի հրապարակման օրվանից 20 օր հետո։ Եվրահանձնաժողովն իր կողմից պարտավորվում է կանոնավորապես հետեւել իրավիճակին նշված երկրներում եւ թարմացնել ցուցակը՝ այդ պետությունների իշխանությունների գործողություններին համապատասխան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արմեն Գրիգորյանը հանդիպել է ԵՄ խորհրդի նախագահության և ԵՄ ներկայացուցիչներից կազմված պատվիրակության հետ
ԵՄ-ն ակտիվ աշխատանք է տանում ռազմագերիների շուրջ ստեղծված ճգնաժամը շուտափույթ լուծելու ուղղությամբ...
Հարավային Կովկասում ԵՄ հատուկ ներկայացուցիչը մոտ ժամանակներս կայցելի Հայաստան եւ Ադրբեջան
«Հաճելի է վերադառնալ տարածաշրջան ԵՄ-ի եւ Ֆրանսիայի համատեղ այցով ․․․
Handelsblatt. ԱՄՆ-ը եւ ԵՄ-ն հրաժարվել են Ռուսաստանին միջազգային վճարային SWIFT համակարգից անջատելու գաղափարից
Այս քայլը կարճաժամկետ հեռանկարում կարող է հանգեցնել ֆինանսական շուկաների ապակայունացման եւ նպաստել այլընտրանքային վճարային ենթակառուցվածքի զարգացմանը․․․
Եվրախորհրդարանը նոր նախագահ ունի
Ստրասբուրգում կայացած լիագումար նիստում քվեարկության առաջին փուլում ընտրությունը կանգ է առել պահպանողական ԵԺԿ խմբակցության թեկնածուի վրա․․․
Եվրամիությունը ողջունում է հայ-թուրքական բանակցությունները Մոսկվայում
Նշվում է, որ ԵՄ-ն ողջունում է Երեւանի եւ Անկարայի պատրաստակամությունը՝ աշխատելու հարաբերությունների կարգավորման եւ հատուկ ․․․
ԵՄ-ը ողջունում է Մոսկվայում Հայաստանի եւ Թուրքիայի ներկայացուցիչների հանդիպման մասին լուրը
Հարաբերությունների կարգավորումը կարեւոր նպատակ է, ասել է Տոյվո Կլաարը։
Ամենաշատ