Ամեն ինչ վկայում է, որ Մինսկի գործընթացը վերականգնելու փորձ է արվում: Այս մասին փետրվարի 14-ին լրագրողների հետ հանդիպման ժամանակ հայտարարեց Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
Նրա խոսքով, դրան նպաստում են Ալիեւի եւ Փաշինյանի հանդիպումները, որոնք ոչ մի կերպ հնարավոր չէ պատահական անվանվել: «Ղարաբաղյան հարցի շուրջ տեղի ունեցող շատ բան նոր չէ: Թափանցիկության բացակայություն, հակասական հայտարարություններ, պայմանավորվածությունների խախտում», - պարզաբանեց փորձագետը:
Նա ընդգծեց, որ Հայաստանը եւ Ադրբեջանը միմյանցից շատ են տարբերվում, եւ այս ամենում մտահոգիչ է այն, որ թեեւ կողմերը խաղաղության պահպանման սկզբունքին են հետեւում, այնուամենայնիվ նպատակները տարբեր են եւ նույնիսկ հակասական:
«Սա վկայում է այն մասին, որ հանգիստ իրավիճակը երկար չի տեւի: Դժվար է կանխագուշակել պատերազմ, իսկ էսկալացիա՝ հնարավոր է», - ասաց նա: Փորձագետը հավելեց, որ Ադրբեջանում հնարավոր չեն այնպիսի դեպքեր, որոնք տեղի ունեցան անցյալ տարվա գարնանը Հայաստանում: «Ադրբեջանում հնարավոր է միայն արյունալի հեղաշրջում: Չկա ընդդիմություն, այդ թվում ֆիզիկապես: Սակայն Ադրբեջանում ժողովրդավարական փոփոխությունները չեն հանգեցնի ղարաբաղյան հակամարտության կարգավորմանը», - եզրափակեց Ալեքսանդր Իսկանդարյանը:
