Բլոգեր Մեթ Ուոթսոնը հայտարարել է, որ կարողացել է բացահայտել մանկապիղծների մի ամբողջ խմբավորում: Նա այս մասին հայտնել է իր ալիքում, փոխանցում է «ՌԻԱ Նովոստի»-ն:
Բլոգերը ցուցադրել է, թե YouTube-ում «bikini haul» բիկինիների ընտրության հոլովակների որոնումը, որոնցում կանայք ցուցադրում են ներքնաշորերի տարբեր լրակազմեր, ինչպես կարող է համանման կոնտենտի առաջարկի ալգորիթմի միջոցով բերել մանկապիղծների համար նախատեսված հոլովակների:
Հոլովակներն ինքնին պոռնոգրաֆիական բնույթ չունեն, սակայն դրանց մեկնաբանությունները լեցուն են ժամանակի նշմամբ, երբ երեխաներն ընդունում են «սեքսուալ ենթատեքստով կեցվածքներ». դա կարող է լինել, օրինակ, մարմնամարզության մանկական մրցումների կադրեր:
Բլոգերն ընդգծել է, որ YouTube-ի ալգորիթմը դյուրացնում է երեխաների շրջանում շփումներ հաստատելու մանկապիղծների հնարավորությունը: Ուոթսոնը նշել է, որ տեսահոսթինգին է դիմել բողոքով, սակայն այն անտեսել է, չնայած ծառայությունն այս խնդրին բախվել է դեռեւս 2 տարի առաջ: