ՌԴ նախագահ Վլադիմիր Պուտինը Իսրայելի վարչապետ Բենիամին Նեթանյահուի հետ հեռախոսազրույց է ունեցել: Այս մասին նշվում է Կրեմլի պաշտոնական կայքում:
Ըստ տեղեկատվության՝ զրույցը կայացել է Իսրայելի նախաձեռնությամբ: Նշվում է, որ նախագահները քննարկել են երկու կողմերի հարաբերությունների արդիական հարցերը, ինչպես նաեւ միջազգային օրակարգը:
Հաղորդվում է, որ մոտ ժամանակներս Նեթանյահուն կայցելի ՌԴ:
«Բենիամին Նեթանյահուն Պուտինին շնորհավորել է առաջիկա պետական տոնի՝ Հայրենիքի պաշտպանի օրվա կապակցությամբ», — նշվում է հաղորդագրությունում: