News
Լրահոս
News
Կիրակի
Մարտ 24
Տեսնել լրահոսը

Համացանցի հիմնադիր հայրերից մեկը՝ բրիտանացի ֆիզիկոս Թիմ Բյոռներս-Լին հանրությանը նախազգուշացրել է համացանցի չարաշահման վտանգավորության մասին, փոխանցում է DW-ն: 

Խոսելով յուրաքանչյուրի համար համացանցը մատչելի դարձնելու անհրաժեշտության մասին՝ Բյոռներս-Լին նշել է, որ մեզանից առցանց կապի մեջ եղողների եւ մնացյալ մարդկանց միջեւ խզումը մեծանում է յուրաքանչյուր նոր կայքի հայտնվելով:

Ընդ որում՝ գիտնականը հատուկ շեշտել է հնարավորությունների չարաշահման վտանգավորությունը, որոնք ընձեռում է գլոբալ համակարգչային ցանցը:

«Այն դեպքում, երբ Համացանցը նոր հնարավորություններ է ստեղծել, ձայն է տվել մարգինալ խմբերին եւ մեր կյանքն ավելի դյուրին է դարձրել, նաեւ նոր հնարավորություններ է ընձեռել խարդախներին, ձայն է տվել նրանց, ովքեր ատելություն են սերմանում եւ ավելի է դյուրացրել հանցագործությունների կատարումը»,- նշել է նա անգլերեն, իսպաներեն, ֆրանսերեն եւ պորտուգալերեն հրապարակված բաց նամակում:

«Եթե մենք դադարենք աշխատել լավագույն համացանցի ստեղծման ուղղությամբ, ապա ոչ թե Համացանցը մեզ կկորցնի, այլ մենք կկորցնենք Համացանցը»,- շեշտել է նա:

Ֆիզիկոս եւ համակարգիչների հետազոտող Բյոռներս-Լին 30 տարի առաջ, երբ աշխատում էր CERN-ում, առաջարկել էր ինստիտուտի մեջ տեղեկատվության հետ աշխատելու նոր սկզբունք: Կարծիք կա, որ այդ փաստաթղթով դրվել է համացանցի ստեղծման տեսական հիմքը:

«Դա տեսլական էր, որը փոխեց հասարակությանը եւ մեր պատկերացումն այն մասին, թե ինչպես ենք տեղեկությունները ստանում եւ բոլորիս միավորում համաշխարհային ցանցում»,- հայտարարել է CERN-ի գլխավոր տնօրեն Ֆաբիոլա Ջիանոտին՝ մարտի 12-ին ելույթ ունենալով Ժնեւում:

Ջիանոտիի տվյալներով՝ մոտ 4 մլրդ մարդ, ինչը կազմում է Երկրի բնակչության կեսից ավելին, այսօր հասանելիություն ունի համացանցին: Համացանցում կայքերի ընդհանուր թիվը կազմում է 2 մլրդ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նորվեգիայում էլեկտրամոբիլների համար անլար լիցքավորիչներ կհայտնվեն
Ծրագրվում է, որ սկսած 2023 թվականից՝ Օսլոյում այլեւս ածխաթթու գազ չի արտանետվի․․․
Mozilla-ն iPad-ի համար Firefox-ի հատուկ տարբերակ է թողարկել
Ընկերությունում հավելել են, թե հիանալի հասկանում են, որ iPad-ը միայն iPhone-ի մեծ տարբերակը չէ․․․
Huawei-ի թոփ-մենեջերի մոտ ձերբակալելիս MacBook, iPhone եւ iPad են գտել
Huawei-ի MateBook X Pro-ն ներկայում լավագույնն է ճանաչված․․․
Չարամիտները կարող են իմանալ ցանկացած սմարթֆոնի գաղտնաբառը. գիտնականներ
Պարզվել է, որ բջջային սարքի էկրանին, որի վրայով մատներն անցել են գաղտնաբառը նշելու համար, ջերմային հետք է մնում…
Microsoft-ը կդադարեցնի Windows 7 օպերացիոն համակարգի գործարկումն ու թարմացումը
Microsoft-ը խորհուրդ է տալիս մինչեւ 2020թ․ հունվարն անցնել նոր Windows 10 օպերացիոն համակարգին․․․
ԵՏՄ անդամ երկրներում ռոումինգի սակագները կարող են հասցվել զրոյի. ՏՄՊՊՀ
Ռոումինգ ծառայության գինը կարող է զրոյացվել...
Ամենաշատ
Ֆոտոռեպորտաժներ