Անցած երկու տարում Չինաստանը 40 անգամ մեծացրել է արբանյակի եւ Երկրի միջեւ քվանտային բանալիների ծավալը: Այսպիսով, մեկ վայրկյանում կարելի է փոխանցել մինչեւ 400 հազար բանալի, ինչն արդեն բավարարում է առանձին ստորաբաժանումների միջեւ անվտանգ շփման նախնական պահանջները: Այս մասին հայտարարել է Չինաստանի Ժողովրդական խորհրդակցական խորհրդի Համաչինական կոմիտեի անդամ, Չինաստանի Գիտությունների ակադեմիայի ակադեմիկոս, Չինաստանի քվանտային տեխնոլոգիաների ոլորտի առաջատար մասնագետ Պան Ցզյանվեյը՝ խոսելով քվանտային արբանյակի աշխատանքի մասին, փոխանցում է «Ժենմին ժիբաո» պարբերականը:
«Մո-ցզի» արբանյակը 2 հիմնական նպատակ է հետապնդում. մի կողմից գործնական՝ իրականացնել արբանյակի եւ Երկրի միջեւ գերերկար քվանտային պաշտպանված կապ, մյուս կողմից գիտական՝ ապացուցել տարածական մասշտաբներում «քվանտային մեխանիկայում ոչ տեղայնացումը», ինչի մասին նշել էր Էյնշթեյնը:
«Մո-ցզի» քվանտային արբանյակի գործառնական ցուցանիշները շատ ավելի բարձր են, քան նախագծայինը. գիտական փորձարկումները, որ նախատեսում էին կատարել 2 տարում, հաջողվել է իրականացնել 3 ամսում:
