Առնվազն մեկ հնդիկ զինվորական զոհվել, եւս երեքը վիրավորվել են Պակիստանի զինված ուժերի կողմից հրադադարի ռեժիմը խախտելու եւ Ջամու եւ Քաշմիր նահանգի կրակակոծման հետեւանքով, տեղեկացրել Hindustan Times է թերթը՝ հղում կատարելով զինվորական աղբյուրներին։

Պարբերականի տվյալներով՝ Պակիստանի բանակը հրազենից եւ ականանետերից երկուշաբթի տեղական ժամանակով ժամը 05.30-ին գնդակոծել է  Ռաջաուրի օկրուգի Սանդերբանի սեկտորը։ Հնդիկ զինվորականները պատասխան կրակ են բացել։ Փոխհրաձգությունը տեւել է երկու ժամ։ Կիրակի օրը պակիստանցի զինվորականները նույնպես գնդակոծել են հնդկական տարածքը, տեղեկացնում է ՏԱՍՍ-ը։

Ներկայում Հնդկաստանի եւ Պակիստանի միջեև լարվածությունը պահպանվում է փետրվարի 14-ին հնդկական Ջամու եւ Քաշմիր նահանգում հնդկական ուժայինների շարասյան վրա գրոհի հետեւանքով։ Հարձակման հետեւանքով զոհվել է ավելի քան 40 մարդ։