News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը


ՊՊԾ գնդի գրավման գործով այսօր՝ մարտի 20-ին կայացած հերթական նիստում շարունակվեց տուժողների հարցաքննությունը։

Ոստիկանության զորքերի աշխատակից Փայլակ Մնացականյանը նշեց, որ 2016 թվականի հուլիսի 29-ին ծառայություն է կատարել Խորենացի փողոցում։ «Քանի որ քաղաքացիներ էին հավաքվել եւ հնարավոր է զանգվածային անկարգություններ տեղի ունենային, շարժվել ենք այդ ուղղությամբ։ Սարի թաղ չհասած մեզ մոտեցան բազմաթիվ քաղաքացիներ, որոնք սկսեցին քարեր նետել, պայթուցիկներ ու շշեր նետել»։ Նրա խոսքով՝ ոստիկանությանը հաջողվել է ցրել հավաքվածներին, սակայն վերադառնալիս ՊՊԾ գնդի կողմից կրակոց է լսել եւ ցավ զգացել որովայնի եւ ոտքի հատվածում։ «Մոտեցա ոստիկաններին, որոնք օգնեցին ինձ։ Շտապօգնության մեքենայով տեղափոխեցին ինձ հիվանդանոց, որտեղ պարզվեց, որ վնասվել է հաստ աղիքս, որից հանել են փամփուշտը։ Այն ենթարկվել է փորձաքննության, թե ոչ, չգիտեմ»։  Նա, սակայն, դժվարացավ նշել, թե ով է կրակել. «Կարող եմ ասել, որ կրակոցի ձայնը լսել եմ գնդի տարածքից»։

Հաջորդը ցուցմունք տվեց տուժող ոստիկաններից Մայիս Հովհաննիսյանը, որը նշեց, որ գնդի հարակից տարածում այրվել է իր ծառայողական ավտոմեքենան եւ պահանջում է, որ փոխհատուցվի պատճառված գույքային վնասը։ Նա, սակայն, դժվարացավ նշել, թե ով է այրել մեքենան։

Ոստիկանության աշխատակից  Հրայր Հայրապետյանն էլ հարցաքննության ժամանակ ասաց, որ ՊՊԾ գնդի գրավման ժամանակ գնդում չի եղել, միայն օգոստոսի 4-ին կամ 5-ին է մուտք գործել գունդ եւ իր աշխատասենյակը գտել թափթփված վիճակում։ Նրա խոսքով՝ իր սենյակից ՊՊԾ գնդի գրավման օրերին անհետացել է 336 հազար դրամ գումար, որը եղել 1-02 շաբաթաթերթի գումարը։ Հրայր Հայրապետյանը հայտնեց, որ կորցրել է իր անվանական ատրճանակը, որը հետագայում գտել են գնդի տարածքում։

Տպել
Կարդացեք նաև
Ամբողջը
Սեդրակ Նազարյանն ասաց՝ Պավլիկին թուրքերը չխփեցին, դուք խփեցիք. Գագիկ Եղիազարյանի ցուցմունքը
Այդ պահին տղաներից շատ մարդ չկար, առաջինը ես ու Արամ Հակոբյանը պատրաստակամություն հայտնեցինք գնալու ու բերելու սայլակները…
Օսիպյանին ասել եմ՝ նրանք ձեզ չեն խնայի, ձեզ կսպանեն, որ դա էլ մեզ վրա գցեն. Գագիկ Եղիազարյանի ցուցմունքը դատարանում
Ուզում էին հասկանալ՝ արդյոք մենք կնահանջե՞նք այդ զրահատեխնիկան տեսնելով…
Երբ Գագիկ Մկրտչյանի նկարները դիահերձարանից բերեցին, ես սարսափեցի, այդ տղուն հոշոտել էին. «Սասնա ծռերի» գործով վկա
Հետո Գագիկ Մկրտչյանը աչքիս չէր երեւում, հարցրի տղաներին, ասացին, որ իրենք իր ոտքով իրեն ճանապարհել են…
Բիլյանը ոստիկանի վիրավորման հետ կապ չունի, ձեռքին զենք չի եղել. «Սասնա ծռերի» գործով նիստին հրավիրվել են գործով վկաները
Գեւորգ Մելիքյանը նշեց, որ ինքը Արմեն Բիլյանին փոխհրաձգության պահին չի տեսել…
Արմեն Բիլյանը 5 ժամով հեռացվեց նիստերի դահլիճից, սակայն մի քանի րոպե անց դատարանը թույլատրեց նրան վերադառնալ դահլիճ
Արմեն Բիլյանը նախ 5 ժամով հեռացվեց նիստերի դահլիճից, այնուհետեւ պաշտպանների միջնորդությամբ դատարանը թույլատրեց նրան վերադառնալ նիստերի դահլիճ…
Պավլիկ Մանուկյանը դիմակ չկրելու համար բերման ենթարկվեց. նիստը հետաձգվեց
Նա չի կատարել ոստիկանների պահանջը եւ բերման է ենթարկվել Ոստիկանության բաժին…