News
Լրահոս
News
Երկուշաբթի
Ապրիլ 22
Տեսնել լրահոսը


Օրերս ոստիկանության ԿՀԴՊ գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչությունում ՀՀ գլխավոր դատախազությունից և ԱԱԾ-ից յուրացման վերաբերյալ տեղեկություններ էին ստացվել։ Այս մասին NEWS.am-ը տեղեկանում է ՀՀ ոստիկանության պաշտոնական կայքից։

Դրանց հիման վրա նախապատրաստված նյութերով պարզվել է, որ կրթության և գիտության նախարարության նախնական և միջին մասնագիտության վարչության պետը, օգտագործելով պաշտոնեական դիրքը, Կոտայքի տարածաշրջանային պետական քոլեջի տնօրենին դրդել է 2011 թվականի փետրվարից 2016 թվականի մարտը որպես քոլեջի վարորդ հրամանագրել կրթության և գիտության նախկին նախարարի վարորդին։ Նա աշխատանքի չի հաճախել, բայց ստացել է 2,5 միլիոն դրամից ավելի աշխատավարձ։

Պարզվել է նաև, որ պաշտոնեական դիրքն օգտագործելով, նախկին նախարարի վարորդին 2009-ից 2016 թվականները որպես բանվոր է հրամանագրել Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի նախկին տնօրենը։ Վարորդն այստեղ էլ աշխատանքի չի հաճախել, բայց վարձատրվել է։ Արդյունքում՝ քոլեջի տնօրենը, պաշտոնեական դիրքն օգտագործելով, իրեն վստահված առանձնապես խոշոր չափերով գույքը վատնելու եղանակով հափշտակել շուրջ 4,5 միլիոն դրամ։

Նախապատրաստված նյութերով միաժամանակ պարզվել է, որ Հայաստանի պետական տնտեսագիտական համալսարանի ռեկտորը, օգտագործելով պաշտոնեական դիրքը, 2016-17 թվականներին որպես համալսարանի շենքերի, շինությունների և տեխնիկական ծառայությունների բաժնի վարորդ է հրամանագրել նույն անձին։ Վարորդն առանց աշխատանքի հաճախելու կրկին վարձատրվել է։ Նշված ժամանակահատվածում համալսարանը նրան է փոխանցել շուրջ 2 միլիոն դրամ և հատկացրել շուրջ կես միլիոն դրամի՝ 1230 լիտր վառելիք։

Ձեռք բերված փաստական տվյալներով՝ քննության որոշակի փուլում հիմնավորվել է, որ 2009-2017 թվականների ընթացքում, նշված երեք պետական ոչ առևտրային կազմակերպություններից նախկին նախարարի վարորդի անվամբ փոխանցվել է ընդհանուր շուրջ 9 միլիոն դրամ և կես միլիոն դրամի վառելիք։

Հարուցվել է քրեական գործ՝ ՀՀ քրեական օրենսգրքի համապատասխան հոդվածների հատկանիշներով։

Կատարվում է նախաքննություն։

Տպել
Կարդացեք նաև
Ամբողջը
Կու-կլուքս-կլանի առաջնորդի կինը խոստովանել է ամուսնու սպանությունը
Ֆրենք Անկոնա-կրտսերն անվանել էր ինքն իրեն Կու-Կլուքս-կլանի կայսերական մոգ…
Երեւանում թալանել են Mercedes G55 մակնիշի մեքենաներ
Երեկ՝ ապրիլի 20-ին, մեքենաներ թալանելու դեպքեր են տեղի ունեցել Երևանում․ հայտնում է Shamshyan.com-ը։
Անկարայում հարձակվել են ընդդիմության առաջնորդի վրա
Ժողովրդական հանրապետական կուսակցության առաջնորդ Քեմալ Քիլիչդարօղլուն ներկա էր 26-ամյա հետեւակային զինվորի՝ Եներ Քիրիքչիի հուղարկավորության արարողությանը Անկարայի նոր քաղաքապետ՝ ԺՀԿ-ի ներկայացուցիչ Մանսուր Յավաշի հետ միասին…
10 տարի հետախուզվող Ֆրանսիզը Ամստերդամից Երեւան է տեղափոխվել․ նա կալանավորված է
Նա 2009թ. դեկտեմբերի 26-ից ոստիկանության Կենտրոնական բաժնի կողմից հետախուզվում էր գողության մեղադրանքով․․․
Հայր եւ որդի են հոսպիտալացվել կրծքավանդակի կտրած-ծակած վերքերով․ դանակահարություն Երեւանում
Ոստիկաննաերը պարզել են, որ վիրավորներն են՝ Երևան քաղաքի Ծարավ Աղբյուրի փողոցի բնակիչ․․․
Գողություն Շիրակամուտում. Կասկածյալը հաշվառման հասցե չունի
Ոստիկանները բերման էին ենթարկել գողության կասկածանքով...