Սա շատ կարեւոր քայլ է Հայաստանում ծայրահեղ աղքատության վերացման ուղղությամբ: Մարտի 26-ին Ազգային ժողովի նիստում «Պետական կենսաթոշակների մասին» օրենքում փոփոխություններ եւ լրացումներ կատարելու մասին օրինագծի քննարկմանն այս մասին ասաց ՀՀ աշխատանքի եւ սոցիալական հարցերի փոխնախարար Սմբատ Սաիյանը:
Փոխնախարարը նշեց, որ եթե տվյալ օրինագիծն ընդունվի, ապա այն լրացուցիչ բեռ կառաջացնի բյուջեի համար: «Կկատարվի վերահաշվարկ, եւ կենսաթոշակառուները կստանան 2019 թվականի առաջին եռամսյակում արդեն ստացված կենսաթոշակների լրացուցիչ վճարումները», - բացատրեց պաշտոնյան:
Հիշեցնենք, որ ծերության կենսաթոշակները ստանում են այն անձինք, ովքեր 65 տարեկան են, բայց չունեն կենսաթոշակ ստանալու համար նվազագույն աշխատանքային ստաժ, ինչպես նաեւ առաջին խմբի հաշմանդամություն ունեցող անձինք, որոնք չունեն նվազագույն աշխատանքային ստաժ: Աշխատանքային կենսաթոշակները, որը ստանում են աշխատանքային ստաժ ունեցող անձինք, չեն բարձրանալու:
