Huawei ընկերությունը ներկայացրել է երկու նոր ֆլագմանյան սմարթֆոն՝ P30 եւ P30 Pro՝ հայտնում է ՏԱՍՍ-ը։

Սմարթֆոնները հագեցած են մատնահետքերի ներկառուցված սքաներով։ FHD+ թողտվությամբ (2340x1080 կետեր) էկրանը մոնոլիտ մակերեւույթ ունի եւ սիմետրիկ դիզայն։ Ապակու տակ ներկառուցված է դակտոլոսկոպիկ սենսոր՝ սեփականատիրոջ արագ նույնականացման համար։ Huawei P30 Pro-ն օգտագործում է նաեւ Huawei Acoustic Display-ի տեխնոլոգիան՝ էկրանի տակ ներկառուցված ձայնարկիչով։

Երկու հեռախոսներն էլ ալյումինից են եւ հասանելի են 5 գույնով՝ մարգարտագույն սպիտակ, դասական սեւ, դեղին, կապույտ, երկնագույն։ Սմարթֆոնների կորպուսը ունի իննաշերտ նանոօպտիկական ծածկույթ։

Սարքերը կառուցված են Kirin 980-ի հիման վրա։ Huawei P30 շարքի սարքերը թույլ են տալիս միաժամանակ օգտագործել երկու հիմնական նկարահանող խցիկները։

Երկու սմարթֆոններն էլ ունեն անլար կապի առաջադեմ միջոցներ, որոնք ներառում են Dual SIM-ը եւ Dual VoLTE-ն։

P30 մոդելի արժեքը սկսվում է 799 եվրոյից, P30 Pro-ի արժեքը՝ 999 եվրոյից։