Մարսի վրա կարող էր կյանք առաջանալ աստղակերպերով նրա ռմբակոծումից հետո։ Այսպիսի սցենարը քննարկվում է շնորհիվ Կարմիր մոլորակի մթնոլորտում ջրածնի առկայության, տեղեկացնում է Oane-ը։
Որոշ պայմանների պահպանման դեպքում Մարսը կարող էր բնակելի մնալ անգամ մթնոլորտի բարակելուց հետո։ Գիտնականների ինտերնացիոնալ խումբը տեղեկացրել է, որ Curiosity տիեզերասարքը Կարմիր մոլորակի լեռնաքարերի նմուշների կազմում հայտնաբերել է նիտրատների եւ ինտրիտների հետքեր։ Նման միացությունները մեծ նշանակություն ունեն մարդկանց հայտնի սպիտակուցային կյանքի պարզագույն ձեւերի կազմավորման համար։ Աստղագետները հետազոտություններ են կատարել, որոնց ընթացքում նմանակել են Մարսի մակերեսի արձագանքը աստղակերպերի մեծ քանակության հետ բախմանը։
Փորձարկումն անցկացվել է ինֆրակարմիր ազդակների օգտագործմամբ։ Ինչպես պարզվել է, նման իրավիճակում մեծանում է գեներացվող նիտրատի ծավալը։ Գիտնականների համար արդյունքը անսպասելի էր, քանի որ այդ միացության ստեղծման համար պահանջվում է թթվածին, բայց դրա բաժինը խառնուրդում շատ փոքր էր։ Ռեակցիայի կատալիզատոր է հանդիսացել ջրածինը։ Նշվում է, որ գազը կարող էր առաջ բերել Մարսի վրա տաք մթնոլորտ, որն անհրաժեշտ է հեղուկ ջրի պաշարների ձեւավորման համար։
«Ջրածնի մեծ ծավալների առկայությունը՝ որպես ջերմոցային գազի մաս մթնոլորտում, հետաքրքիր է Մարսի կլիմայի պատմությունը եւ Կարմիր մոլորակի պոտենցիալ բնակելիության հարցերը հասկանալու համար»,- ասում է երկրաքիմիկոս Ջենիֆեր Սթեռնը։
