Շոտլանդիայում Էդինբուրգի համալսարանի գիտնականները հայտնաբերել են, որ որոշ մետաղներ որոշակի պայմաններում կարող են նոր ագրեգատային վիճակում գտնվել, որը միավորում է պինդ եւ հեղուկ փուլերը: Այն ջուր պարունակող սպունգ է հիշեցնում, հաղորդում է Phys.org-ը:
Հետազոտողները ծայրահեղ պայմաններում՝ բարձր ճնշման եւ ջերմության, կալիումի 20 հազար ատոմների մոդելկավորում են անցկացրել: Պարզվել է, որ ատոմներն առաջացնում են երկու փոխկապակցված բյուրեղային ցանցեր: Մի ցանցի ատոմների միջեւ քիմիական կապը մնում է ուժեղ, ինչը պայմանավորում է ուժեղ տաքացման դեպքում պինդ վիճակի պահպանումը: Կալիումի մյուս մասը հալվում է եւ հեղուկի հատկություններ է ձեռք բերում:
Ցուցադրված է, որ բարձր ճնշման պայմաններում (2-4 գիգապասկալ) կալիումի ատոմները բարդ կառուցվածք են առաջացնում: Չորս ատոմային փողերը հայտնվում են քառակուսու անկյունում, փողերից մեկը տեղակայվում է դրա կենտրոնում եւ դրանք բոլորը միմյանց հետ կապված են ատոմի շղթաներով: Մինչեւ 400-800 կելվին տաքանալու դեպքում(126-526 աստիճան Ցելսիուս) անցումային գործընթաց է կատարվում, որի ժամանակ շղթաները քայքայվում են (chain-melting transition) եւ հեղուկ է առաջանում: Նոր ագրեգատային վիճակը կոչվում է հալված շղթաների փուլ (chain-melted phase): Այն անցումային չէ, օրինակ ինչպես Ցելսիուսի զրո աստիճանի դեպքում սառույցի հալումը:
Գիտնականները կարծում են, որ հալված շղթաների փուլը կարող է առաջնալ տարբեր նյութերում, ներառյալ նատրիումում եւ բիսմուտում, սակայն դրա համար անհրաժեշտ պայմանները կարող են տարբերվել նրանցից, որոնք անհրաժեշտ են կալիումի համար: Հետազոտության արդյունքները կարող են օգնել նոր տեսակի նյութերի մշակման հարցում: