Մարշալ Հաֆթարի լիբիական ազգային բանակը Միսրատ քաղաքից թռչող ռազմական ինքնաթիռ է կործանել՝ հայտնում է բանակի պաշտոնական ներկայացուցիչը՝ հաղորդում է ՌԻԱ Նովոստին։
2011թ․ Մուամմար Քադաֆիի սպանությունից հետո երկրում երկիշխանություն է հաստատվել՝ Լիբիայի արեւելքում գործում է ընտրված խորհրդարանը, իսկ Տրիպոլիում իշխում է ՄԱԿ-ի եւ Եվրամիության աջակցությամբ ձեւավորված ազգային համաձայնության կառավարությունը՝ Ֆայեզ Սարաջի գլխավորությամբ։ Արեւելքում իշխանությունները գործում են Տրիպոլիից անկախ եւ համագործակցում են Հաֆթարի հետ։
Անցյալ հինգշաբթի մարշալ Խալիֆ Հաֆթարը իր ուժերին հրամայել էր Տրպոլիի վրա հարձակում սկսել՝ այն «ահաբեկիչներից ազատագրելու» համար։ Հաֆթարի բանակի ստորաբաժանումները վերահսկողություն էին սահմանել Գարյան եւ Սուրման քաղաքների վրա։ Ինչպես նաեւ նրա ռազմական ինքնաթիռները հարվածել էին Տրիպոլիի միակ գործող «Միտիգա» օդանավակայանին, որի պատճառով բոլոր չվերթները չեղյալ էին համարվել։