News
Լրահոս
News
Երկուշաբթի
Սեպտեմբեր 16
USD
476.18
EUR
528.61
RUB
7.41
ME-USD
0.1
Տեսնել լրահոսը

Փարիզի թեմի առաջնորդական տեղապահ Ֆիլիպ Մարսեն ՌԻԱ «Նովոստի»-ին պատմել է հրդեհի առաջին րոպեների, իր զգացումների մասին, երբ տեսել է կրակով բռնված տաճարի խաչը, եւ տեղի ունեցածի պատճառների մասին։

Փարիզի Աստվածամոր տաճարի հրդեհը սկսվել է երկուշաբթի երեկոյան։ Փլուզվել է տաճարի ձողը, հրդեհը վնասել է հենակառույցը։ Հրշեջ աշխատանքներին ներգրավված է եղել մոտ 400 հրշեջ, Ֆրանսիական ԶԼՄ-ների տվյալներով՝ արտակարգ իրավիճակը կարող էր կապված լինել վերականգնողական աշխատանքների հետ, տաճարի մի մասը ծածկված էր շինափայտով։

«Ես իմ գրասենյակում էի, մենք աշխատում էինք։ Երեկոյան ժամերգությունն ավարտվեց մոտ 19.30-ին։ Հրդեհն արդեն սկսվել էր, բայց այն չէր երեւում, դրա մասին ոչ ոք չգիտեր։ Ոչ մի խուճապ չկար, երբ մարդիկ հեռանում էին ժամերգությունից։ Մի քանի րոպե անց մենք արդեն զգացինք ծուխը եւ, նայելով տաճարին, տեսանք ձողի կրակը տանիքի մեջտեղում, այնտեղ, որտեղ ամեն ինչ փայտից է։ Ես անմիջապես դուրս եկա փողոց եւ ասացի. «Տե՛ր»,- պատմում է հոգեւորականը։

Նա ավելացրել է, որ տաճարից դուրս եկող մարդիկ անմիջապես հայտնվեցին հրշեջների եւ ոստիկանների ուշադրության կենտրոնում։

«Հետո եկավ Փարիզի քաղաքապետ Ան Իդալգոն, էլի մի փոքր ավելի ուշ՝ նախագահ Մակրոնը։ Նա նախընտրել էր իրադարձությանն ապրումակցել տեղում, այլ ոչ թե տեղեկություն ստանալ, որը նրան պետք է փոխանցեին։ Ես կարծում եմ, որ նրա նման պոռթկումը միանգամայն հուզական էր։ Այն, ինչ նա ասաց՝ գալով այստեղ, հուզեց սիրտս»,- ավելացրել է Մարսեն։

Նա հիշեցրեց, որ հիմա կաթոլիկները նշում են Ավագ շաբաթը, որը նախորդում է Զատկին։

«Մի քանի օրից մենք տոնելու ենք Քրիստոսի հարությունը՝ մեր հավատի ամենամեծ իրադարձությունը։ Երբ երեկ ես տեսա խաչը տաճարի խորքում, որը բռնված էր կրակով, Մարիամ Աստվածածնի արձանը եւ կրակը... Չեմ կարողանում ընկալել, բայց չարժե գաղտնի իմաստ փնտրել սրանում։ Հիմա ամեն բան վկայում է այն մասին, որ սա դժբախտ պատահար էր, այլ ոչ թե միտումնավոր գործողություն։ Հույս ունեմ, որ այդպես էլ կլինի։  Կարճ միացում կամ նման մի բան։ Բայց եթե այլ կերպ լինի, ապա գնահատել կրակով վերեւ բարձրանալը, հրդեհ կազմակերպելը՝ պարզապես անհնար է»,- նշել է գործակալության զրուցակիցը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երեք օրում գրանցվել է 31 ավտովթար. զոհվել է 1, վիրավորվել՝ 47 մարդ
Բացահայտվել է հանցագործության 147 դեպք, որոնցից 7-ը՝ նախկինում կատարված…
Մեքսիկայում անհայտ անձինք կրակահերթեր են արձակել բարի այցելուների վրա
Անհայտ զինված անձինք մտել են հաստատություն եւ այցելուների վրա կրակ բացել, որից հետո փախուստի են դիմել…
Թակարդում հայտնված կարմիրգրքյան կենդանու ճակատագիրն անհայտ է (ֆոտո)
Նախապատրաստվող նյութերը կփոխանցվեն իրավապահ մարմիններին՝ համապատասխան ընթացք տալու համար...
Աշտարակում BMW-ն դուրս է եկել ճանապարհից, բախվել ծառին եւ շրջվել (ֆոտո)
Վարորդը քաղաքացիների ուժերով տեղափոխել է Աշտարակի ԲԿ, որտեղ…
Ողբերգական վթար Արարատում. BMW-ն մխրճվել է բեռնատարի մեջ եւ բռնկվել. փրկարարները դուրս են բերել մոխրացած 3 դիերը (ֆոտո)
Ոստիկաններն ու քննիչները պարզել են, որ BMW-ի վարորդը դեպի Երեւան ընթանալիս դուրս է եկել...
Ալավերդի-Մադան ճանապարհին Mecedes-ը 15 մետր գլորվել է ձորը. քաղաքացիները դուրս են բերել վիրավորներին. մեկն անչափահաս է
Ավտոմեքենայից դուրս են բերվել քաղաքացիների ուժերով եւ տեղափոխվել Ալավերդու ԲԿ...