News
Լրահոս
News
Երեքշաբթի
Ապրիլ 23
Տեսնել լրահոսը

Հայաստանի Վայոց ձորի մարզի Արենի գյուղում ապրիլի 17-ին տեղի է ունեցել «Գաստրո-բակի» բացման արարողությունը։ Նախագիծը ֆինանսավորվում է Ռուսաստանի Դաշնության եւ իրականացվում ՄԱԿ ԶԾ-ի կողմից՝ Հայաստանի տարածքային կառավարման եւ զարգացման նախարարության հետ համատեղ, «Ինտեգրված գյուղական զբոսաշրջության զարգացման» ծրագրի շրջանակում։

Հայաստանի տարածքային կառավարման եւ զարգացման նախարար Սուրեն Պապիկյանը միջոցառման ժամանակ ասել է, որ գյուղական զբոսաշրջությունը հանրապետության կայուն եւ հավասարաչափ զարգացման գերակա ուղղություններից է։ «Մենք ողջունում ենք նման նախագծերի իրականացումը, քանի որ դա տեղի բնակչությանը հնարավորություն է տալիս խթանել զբոսաշրջության զարգացումն ու ստեղծել հավելյալ եկամուտ։ Այդ գաղափարների իրականացման համար հարկավոր են համապատասխան ենթակառուցվածք եւ նման նախադեպեր»,- նշել է Պապիկյանը։

Հայաստանում Ռուսաստանի դեսպանի խորհրդական-դեսպանորդ Ալեքսեյ Սինեգուբովը հույս է հայտնել, որ «Գաստրո-բակը» կհետաքրքրի բազմաթիվ զբոսաշրջիկների եւ կդառնա նրանց այցելությունների սիրելի վայրը, որտեղ նրանք կկարողանան զգալ հայկական ոգին ու տրամադրությունը։ Նախագծի ողջ ֆինանսավորման ծավալը կազմում է 3 մլն դոլար։

Հայաստանում ՄԱԿ Զարգացման ծրագրի մշտական ներկայացուցիչ Դմիտրի Մարյասինը նշել է, որ զբոսաշրջիկները կվայելեն հայկական ավանդական կերակրատեսակներ, կծանոթանան տեղի մշակույթին եւ կվերադառնան նոր տպավորությունների ակնկալիքով։ «Բակի գլխավոր գործառույթներից մեկը տեղական համայնքներում մշակույթի ձեւավորումն է։ Խնդիրը գյուղական զբոսաշրջության 50 նոր կետերի բացումն է ամբողջ Հայաստանում։ Սրա մեծ մասն արդեն կատարված է»,- տեղեկացրել է Մարյասինը։

«Գաստրո-բակ» նախագծի հայեցակարգի իրականացումն սկսվել է 2018-ին։ «Գաստրո-բակը» հատուկ տեղ է, որտեղ զբոսաշրջիկները հնարավորություն ունեն համտեսելու հայկական խորտիկներ, հետեւելու գինու պատրաստման գործընթացին եւ շփվելու տեղի բնակչության հետ։

«Ինտեգրված գյուղական զբոսաշրջության զարգացման» նախագիծն աջակցում է գյուղական վայրերում զբոսաշրջության զարգացման միջոցով եկամտի այլընտրանքային աղբյուրների ստեղծմանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դեպի Արևմտյան Հայաստան տուր-փաթեթները թանկացել են
Արմեն Հովհաննիսյանը նշեց նաև, որ հայ զբոսաշրջիկների համար նախընտրելի է դեպի Կիլիկիա ուղղությունը․․․
Հարուստ մշակույթը եւ խոհանոցի բազմազանությունը՝ գյուղական տուրիզմի զարգացման լավ խթան. նախարար
Հարուստ մշակույթն ու բազմազան խոհանոցը գյուղական զբոսաշրջության զարգացման լավ խթան են, ասել է Սուրեն Պապիկյանը...
«Գաստրո-բակի» բացումը լավ հնարավորություն է Հայաստանի գյուղերի բնակիչների համար. ՄԱԿ ԶԾ
«Գաստրո-բակի» բացումը լավ հնարավորություն է տուրիզմից ստացվող հնարավոր եկամուտները տեղի բնակիչներին հասցնելու համար…
Պետերբուրգցիները գերադասում են հանգստանալ Հայաստանում եւ Վրաստանում
2019 թվականի 1-ին եռամսյակում հյուսիսային մայրաքաղաքի բնակիչների շրջանում ԱՊՀ տարածքում ամենատարածված ավիաուղին է դարձել Երեւանը…
Կիեւում անցկացվել է «Ուկրաինա-Հայաստան՝ պատմություն, մշակույթ, զբոսաշրջություն» համաժողովը
Առաջ է քաշվել Ուկրաինայի հայերի մասին հանրագիտարան ստեղծելու գաղափար, քննարկվել է երկու երկրների միջեւ զբոսաշրջության զարգացման հարցը․․․
Բակո Սահակյանի մոտ քննարկել են Արցախում զբոսաշրջության ոլորտի խնդիրները
Խորհրդակցությանը մասնակցում էին պետնախարար Գրիգորի Մարտիրոսյանը, պաշտոնատար այլ անձինք...