Ապրիլի 16-ին, խոշոր ավտովթար է տեղի ունեցել Երևանում․ հայտնում է Shamshyan.com-ը: Ժամը 14:15-ի սահմաններում Կոմիտասի պողոտայի, Փափազյան փողոցի խաչմերուկում բախվել են Երևանի բնակիչ 55-ամյա Կարապետ Գաբրիելյանի KIA մակնիշի, Արարատի մարզի բնակիչ 34-ամյա Դավիթ Նաղդալյանի Mercedes մակնիշի և Երևանի բնակիչ 70-ամյա Սամվել Բադալյանի ВАЗ 2106 ավտոմեքենաները:
Վթարի հետևանքով Ս. Բադալյանի ուղևոր, Արարատի մարզի բնակիչ 17-ամյա Մ. Բ.-ն մարմնական վնասվածքներով տեղափոխվել է «Արմենիա» բժշկական կենտրոն, որտեղից էլ տեղափոխվել է Սուրբ Աստվածամայր բժշկական կենտրոն:
Ոստիկանության կողմից փաստի առթիվ նյութեր են նախապատրաստվում:
