Իրաքի բանակի զինվորները խոշտանգումներ են կիրառում Մոսուլում գրոհայիններին սատարելու մեջ կասկածվողների դեմ: Այս մասին հայտնում է The Independent-ը՝ վկայակոչելով Human Rights Watch իրավապաշտպան հասարակական կազմակերպությանը:
Իրավապաշտպանների զեկույցում մանրամասն նկարագրվում են բանտակյալների նկատմամբ դաժան վերաբերմունքի դեպքերը: Նրանց խոսքով՝ զինվորները կասկածյալներին ծեծում են եւ տանջում: Նախկին կալանավորներից մեկը պատմել է, որ խոշտանգումների ենթարկված բանտարկյալներն արդյունքում իրենց մեղքը խոստովանել են նրանց մեղսագրվող բոլոր հանցագործությունների մեջ:
Իրավապաշտպանները նշում են, որ նոր խոշտանգումների մասին հայտնի է դարձել իրենց կողմից Իրաքի կառավարությանը բանտարկյալների նկատմամբ դաժան վերաբերմունքի մասին տեղեկացնելուց մի քանի ամիս հետո: Human Rights Watch-ը Իրաքի իշխանություններին մեղադրել է բանտարկյալների խոշտանգումների եւ մահվան դեպքերը հետաքննելու անընդունակության մեջ:
Առաջին փաստագրական վկայություններն այն մասին, որ Իրաքի բանակի զինվորները խոշտանգումներ են կիրառում գրոհայիններին սատարելու մեջ կասկածվողների դեմ, հայտնվել են 2017 թվականի հունիսին: Իրաքի կառավարությունը խոստացել էր հետաքննություն անցկացնել, սակայն դրա արդյունքներն անհայտ են:
