ԱԻՆ-ն առաջարկում է դպրոցական ծրագրում Քաղաքացիական պաշտպանության առարկա ներառել: Այս մասին ասուլիսին հաղորդել է ԱԻ նախարար Ֆելիքս Ցոլակյանը:
Նրա խոսքով՝ մտածելու տեղիք է տվել օբյեկտներում քաղաքացիական պաշտպանության կազմակերպման հետ կապված տխուր վիճակը:
«Օրինակ հանրային վայրերը, սուպերմարկետները, հաստատությունները: Կան փրկարարական աշխատանքներ անցկացնելու ծրագրեր: Սակայն գործնականում դա միշտ չէ, որ համընկնում է տեսության հետ: ԿԳՆ-ն ընդունել է ԱԻՆ-ի՝ դպրոցական ծրագրում Քաղաքացիական պաշտպանության առարկա ներառելու մասին առաջարկը: Նախնական ռազմական պատրաստության մասին առարկան բավական չէ», - ընդգծեց նախարարը: ԱԻՆ-ն առաջարկում է, որ առարկան դասավանդեն մասնագետ փրկարարները, այդ թվում ԱԻՆ-ի վետերանները:
Ցոլակյանը որպես օրինակ բերեց սուպերմարկետները, որտեղ պաշտպանության ղեկավար է անվտանգության ծառայության ղեկավարը, որը հաճախ արտակարգ դրության դեպքում պատկերացում չունի իր գործողությունների մասին: