Ամեն մեկը պատրաստված եկել է ինչ-որ բան ասելու, ցույց տալու, որ գիտի: Այս մասին այսօր՝ ապրիլի 19-ին, ԱԺ-ում իր ելույթում նշեց ԲՀԿ խմբակցության պատգամավոր Գագիկ Ծառուկյանը՝ անդրադառնալով իրեն պատկանող «Արարատցեմենտի» շուրջ քննարկումներին:
«Ես բաց կասեմ, մենք ոչ թե այսօր պայքարում ենք, որ ներկրվող կլինկերի վրա էլ դնեն տուրք, մենք ուզում ենք ասենք՝ ձեր ցավը տանեմ, որոշել եք, պատասխանատուն «Իմ քայլն» ա, դրեք, հայտարարեք, որ դուք գտնում եք, որ դա ավելի էժան կլինի, շահութաբեր կլինի, մենք համաձայն ենք: Հիմա ես կլինկեր կբերեմ, թե ցեմենտ կարտադրեմ, դա ինչ խնդիր է»,-ասաց նա:
Ծառուկյանի խոսքով, այսօր ամենամեծ պատասխանատվությունն «Իմ քայլի» վրա է, իրենց վրա չի. «Մենք մեր տեսակետն ենք ասում: Եթե մեր տեսակետը սխալ է, ասեք:
Փոխանակ այսօրվա հարցը քննարկեն, ասում է՝ ցեմենտի գործարանը քանիսով է ձեռք բերվել: Ձեր ցավը տանեմ, եթե 200 հազար դոլարով ձեռք է բերվել, ես նվեր տամ տվյալ հայտարարողին: Բայց եթե չէ, մյուս օրը ինքը պետք է դրա համար պատասխան տա՝ ինչի է այդպիսի արտահայտություն անում: Եթե 200 հազար դոլար լինի, ես նվեր եմ տալիս, որպես Ծառուկյան:
Ասում են՝ նոր իշխանության քաղաքականության շնորհիվ ցեմենտը 10 հազար դրամով էժանացավ, դարձավ 40 հազար դրամ: Ձեր ցավը տանեմ, բա ինչի՞ Հրազդանի գործարանը 48 հազար դրամից չի կարողանում իջեցնել գինը: Պատճառն այն է, որ մեզ իրոք աջակցեցին: Նախկին իշխանության ժամանակ էլ է նույնը եղել, 200 դոլար տուրք էին դրել ներկրվող ցեմենտի վրա: 2017-ին ներկրվել է 40 հազար դոննա, 2018-ին՝ 180 հազար տոննա, գնալով ավելանում է»,-ասաց ԲՀԿ առաջնորդը:
Նա չհամաձայնեց պնդմանը, թե իրանական ցեմենտն ավելի որակով է. «Ասում են՝ պարսկական ցեմենտը ավելի որակյալ է, բա ինչո՞ւ են բոլորը հանձնարարություն ստացել, որ բալկաները պարսկական ցեմենտով չանեք: Պարսկականի լավն այն է, որ գիպսը մեջը շատ է, շուտ չորանում է: Ասում են պարսկական ավելի էժան կլինի, բայց այսօր գրեթե նույն գինն է, 500 դրամի տարբերություն է: Բայց եթե մենք արտադրությունը կանգնացրինք, դա ինքնստինքյան ավելանալու է»: