Օրենքում նշված չեն հստակ կարգը եւ սուբյեկտների կատեգորիաները եւ դրանց պաշտպանության միջոցները ուժային կառույցների կողմից, մասնավորապես, եթե տվյալ սուբյեկտները դատական գործընթացի մասնակիցներ են:
Ազգային ժողովում «Ոստիկանության մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ այս մասին ասաց Ոստիկանապետի տեղակալ Հովհաննես Քոչարյանը:
Նրա խոսքով, ուժայինները նախկինում էլ նման գործունեություն են իրականացրել դատական գործընթացի սուբյեկտներին նման անհրաժեշտության առաջացման դեպքում համապատասխան պաշտպանություն տրամադրելու համար, սակայն օրենսդրական մակարդակով հստակ կարգ չկա:
Քոչարյանը պարզաբանեց, որ խոսքն, օրինակ այս կամ այն դատական գործում ներգրավված վկաների անվտանգության պատշաճ ապահովման մասին է:
