Ազգային ժողովն ապրիլի 22-ին քննարկում է ԵՏՄ անդամ երկրների եւ Չինաստանի միջեւ փոխադարձ առեւտրա-տնտեսական համագործակցության մասին համաձայանգրի վավերացման հարցը:
Ըստ հիմնական զեկուցողի՝ տնտեսական զարգացման եւ ներդրումների փոխնախարար Ալբերտ Բաբայանի, այս համաձայնագիրը նոր հնարավորություններ է ստեղծում ԵՏՄ անդամ երկրների տնտեսվարող սուբյեկտների համար: Պաշտոնյայի տվյալներով, այս շրջանակն ուժեղ խթան է տալիս կոնկրետ մեգանախագծերի իրականացման համար:
Բացի այդ, ինչպես նշեց Բաբայանը, համաձայնագիրը թույլ կտա բարելավել ապրանքների հասանելիության պայմանները երկու շուկաներում առեւտրային ընթացակարգերի պարզեցման նորմերի, թափանցիկության մակարդակի բարձրացման, ինչպես նաեւ առեւտրային համագործակցութկան բոլոր ոլորտներում փոխգործակցության մակարդակի բարձրացման միջոցով:
«Փսատաթուղթը առեւտրային խոչընդոտների ավտոմատ նվազեցում չի ենթադրում: Սակայն այն ԵՏՄանդամ երկրի շահագրգիռ բիզնեսին չինական շուկա մտնելիս խոչընդոտների հասցեական նվազեցման հնարավորություն կտա եւ բարձրացնում է կարգավորման թափանցիկությունը», -պարզաբանեց փոխնախարարը՝ հավելելով, որ Եվրասիական տնտեսական հանձնաժողովի միջոցով բիզնեսը կկարողանա տարբեր վիճելի հարցեր կարգավորել չինական կողմի հետ:
Բացի այդ նա հայտնեց, որ ԵՏՄ-ի եւ Չինաստանի միջեւ ստորագրված առեւտրա-տնտեսական համագործակցության մասին համաձայանգիրը մի շարք դրույթներ է պարունակում, որոքն ուղղված են տեղեկատվական փոխանակման խթանմանը եւ կողմերի պատասխանատու մարմինների միջեւ վարչական համագործակցության զարգացմանը՝ աշխատանքային խմբերի եւ խորհրդատվական կոմիտեների ստեղծման ձեւաչափով: