News
Լրահոս
News
Երեքշաբթի
Մարտ 19
Տեսնել լրահոսը

Facebook սոցիալական ցանցը կարող է տուգանվել ամերիկյան վերահսկող մարմինների կողմից այն սկանդալի պատճառով, որը կապված է Cambridge Analytica-ի հետ, տուգանքի չափը՝ 3-5 մլրդ դոլար, տեղեկացնում է The Straits Times-ը՝ հղում կատարելով Facebook-ի ներկայացուցչին։

«Մենք հույս ունենք, որ կորուստները կկազմեն 3-5 մլրդ դոլար»,- պարբերականը մեջբերում է ընկերության ներկայացուցչի խոսքերը, տեղեկացնում է ՌԻԱ «Նովոստի»-ն։

Ավելի վաղ Facebook սոցցանցը հաշվետվություն էր ներկայացրել իր շահույթի 51 տոկոս կրճատման մասին՝ 2019 թվականի առաջին եռամսյակի տվյալներով։ Անցած տարվա նույն ժամանակամիջոցի համեմատ այդ նվազումը կազմել է 2,43 մլրդ դոլար։ Հասույթը նույնպես կրճատվել է՝ 39 տոկոսով (3,3 մլրդ դոլար)։

Այս ցուցանիշը համընկել է ամերիկյան վերլուծաբանների մեծ մասի կանխատեսումների հետ։ Փորձագետները այդ կրճատումը կապել են Cambridge Analytica բրիտանական քոնսալթինգային ընկերության սկանդալի հետ, որը ապօրինաբար օգտագործել է 87 միլիոն օգտատիրոջ տվյալները նախընտրական քարոզչության համար։

Մեկ տարի առաջ Facebook-ը խոստովանել է, որ 87 մլն օգտատերերի տվյալները, հիմնականում ԱՄՆ-ում, սխալմամբ փոխանցվել են այդ ընկերությանը։ ԶԼՄ-ների տեղեկացմամբ՝ Cambridge Analytica-ն համագործակցել է Դոնալդ Թրամփի հետ նախընտրական քարոզչության ժամանակ։ Հավաքված տվյալների հիման վրա հետազոտողները գնահատել են ընտրողների քաղաքական նախընտրությունները եւ նրանց ցուցադրել գովազդ, որն ուղղակի հայտնվել է նրանց շահերի գոտում։ Սկանդալը հանգեցրել է այն բանին, որ Facebook-ի ղեկավարը ստիպված էր պատասխան տալ կատարվածի համար ամերիկյան Կոնգրեսում։

Դրանից հետո ամերիկյան մի շարք գերատեսչություններ եւ ԱՄՆ Կոնգրեսը սկսեցին հետաքննություններ՝ կապված օգտատերերի տվյալների արտահոսքի հետ։ Հետաքննություն սկսեց, մասնավորապես, ԱՄՆ առեւտրի դաշնային հանձնաժողովը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
105 տրիլիոն նիշով հաշվարկված Պի թիվը գերազանցում է համաշխարհային ռեկորդը
Քանի որ ապագայում համակարգիչները դառնում են ավելի հզոր, մենք անխուսափելիորեն կսկսենք բացահայտել ...
Ստեղծվել է աշխարհում ամենամեծ պրոցեսորը
Պրոցեսորն առաջարկվում է օգտագործել մեքենայական ուսուցման ալգորիթմերի աշխատանքի համար...
Amazon-ը և Microsoft-ը դադարեցնում են իրենց ամպային արտադրանքները Ռուսաստանում
Այս կապակցությամբ Softline-ը զգուշացնում է Microsoft-ի, Amazon-ի և Google-ի ամպային արտադրանքների և ծառայությունների շահագործման հնարավոր ֆունկցիոնալ սահմանափակումների մասին...
Չինական ավտոարտադրողը սկսել է սմարթֆոններ նվիրել իր հաճախորդներին
Nio Phone-ն ունի 6,81 դյույմանոց OLED էկրան՝ 1440 x 3088 պիքսել թույլատրությամբ, 120 Հց հարմարվողական...
ԱՄՆ Կոնգրեսը կրկին փորձում է արգելել չինական TikTok սոցիալական ցանցը
2020 թվականին այն ժամանակվա նախագահ Դոնալդ Թրամփը փորձեց դա անել, բայց անհաջող էր...
Վարչապետն ընդունել է «ՄՏՍ-Արմենիա»-ի ղեկավարությանը
Վարչապետ Նիկոլ Փաշինյանն ընդունել է «ՄՏՍ-Արմենիա» ընկերության բաժնետեր…
Ամենաշատ