Իրանական նահանգների իրավակարգի ուժերի հրամանատարի տեղակալ Ահմեդ Տահերին հայտնել է 2 տոննա 500 կիլոգրամ թմրանյութի բռնագրավման մասին՝ հայտնում է ԻՌՆԱ-ն։
«Իրավակարգի ուժերը հետախուզության օգնությամբ ստացել են տեղեկատվություն քաղաքի շրջաններից մեկում մաքսանենգների մասին եւ հաջողությամբ 2 տոննա 500 կիլոգրամ թմրանյութ են բռնագրավել Իրանշահրում»,- նշել է նա։
Մաքսանենգները խմբաքանակը մեքենաներով են տեղափոխել։
Իրանը թմրանյութերի մաքսանենգության դեմ պայքարի առաջամարտիկներից է։ Իրանական ոստիկանության ջանքերի շնորհիվ տարեկան բռնագրավվում է ափիոնի համաշխարհային շրջանառության 80 տոկոսը, հերոինի եւ մորֆինի՝ 40 տոկոսը։