Համացանցում հայտնվել է տեսանյութ, որում ֆրանսիական ոստիկանությունը ծեծում է ՌԻԱ Նովոստի-ի լրագրող Վիկտորյա Իվանովային, որը լուսաբանում էր Փարիզում մայիսմեկյան ցույցի ժամանակ անկարգությունները, հաղորդում է ՌԻԱ Նովոստի-ն:
Կադրերում երեւում է՝ ինչպես է հատուկ նշանակության զորքերի աշխատակիցը մահակով հարվածում լրագրողի գլխին, երբ նա փորձում էր հեռանալ վայրից, որտեղ տեղի էին ունենում ցուցարարների հետ բախումները: Այնուհետեւ իրավապահը երկրորդ հարվածն է հասցնում կնոջը: Ընդ որում՝ լրագրողի սաղավարտի վրա մեծ տառերով գրված էր «Մամուլ», իսկ ձեռքին՝ նույն գրությամբ թեւկապ էր:
Լրագրողն անմիջապես դիմել է հիվանդանոց. բժիշկներն ախտորոշել են ուղեղի ցնցում եւ տարբեր վնասվածքներ: Նա նաեւ բողոք է ներկայացրել Ֆրանսիայի ազգային ոստիկանության գլխավոր տեսչություն (IGPN) իրավապահների գործողությունների վերաբերյալ:
