Զենքի վերջին փորձարկումից հետո ՄԱԿ-ը քննադատել է Հյուսիսային Կորեային՝ նախազգուշացնելով, որ նման գործողությունները միայն կմեծացնեն տարածաշրջանում լարվածությունը՝ հայտնում է AFP-ը։
Անցյալ շաբաթ Հյուսիսային Կորեան հրթիռներ արձակող սարքերի եւ մարտավարական կառավարվող զենքի փորձարկում է կատարել։
«Մենք շատ լավ տեղեկացված ենք Հյուսիսային Կորեայի վերջերս կատարած արձակումների մասին»,- լրագողներին հայտնել է ՄԱԿ ներկայացուցիչ Ստեֆան Դյուժարիկը՝ հավելելով, որ նման գործողությունները ուժեղացնում են տարածաշրջանում լարվածությունը։
Նրա խոսքերով, ՄԱԿ գլխավոր քարտուղար Անտոնիու Գուտերիշը բոլոր կողմերին կոչ է անում «կայուն խաղաղության հաստատման եւ Կորեական թերակղզում լիարժեք ու վերահսկելի ապառազմականացման համար շարունակել երկխոսությունը։
Փորձարկումկներից հետո ԱՄՆ-ը հայտարարել էր, որ կշարունակի Հյուսիսային Կորեայի հետ բանակցությունները՝ կապված միջուկային եւ բալիստիկ հրթիռների ծրագրի դադարեցման հետ։