News
Լրահոս
News
Կիրակի
Հունիս 16
USD
478.4
EUR
539.06
RUB
7.43
ME-USD
0.15
Տեսնել լրահոսը

Մայիսի 16-ից Նյու Յորքի զբոսաշրջիկներն այլեւս հնարավորություն չեն ունենա այցելել Ազատության արձանի թանգարանն ու Իմիգրացիայի թանգարանն Էլիս կղզու վրա մասնավոր զբոսաշրջային խմբերի կազմում: Զբոսավարների ուղեկցությամբ զբոսաշրջիկները եւս չեն կարողանա այցելել արձանի դիտահարթակը: ԱՄՆ-ի ազգային զբոսայգիների ծառայությունը (NPS), որը վերահսկում է այդ տեսարժան վայրը, ստիպված էր դիմել այդ միջոցներին զբոսաշրջիկների մեծ թվի պատճառով, հաղորդում է Turizm-ը:

Ինչպես NPS-ը նշել է, վերջին 10 տարիների ընթացքում Ազատության Արձանի ուղղությամբ տուրերի թիվն ավելացել է 600 տոկոսով: Այդ զգալի աճը հանգեցրել է անվտանգության խնդիրների առաջացմանը եւ բացասաբար է ազդել այցելուների տպավորությունների վրա: Մասնագետների գնահատմամբ՝ այդ տարածքում աշխատում են հիմնականում 250 զբոսավարներ 28 լեզուներով:

Մի շարք փորձագետներ համոզված են, որ նորամուծությունը կվնասի մասնավոր զբոսաշրջային ընկերություններին եւ միաժամանակ կուժեղացնի տեղի զբոսայգու աշխատակիցների վրա գործադրվող ճնշումը:

Այժմ Նյու Յորքի գլխավոր տեսարժան վայրը տեսնելու բոլոր ցանկացողները պետք է նախապես ամրագրեն Pedestal Reserve հատուկ տոմսը միայն NPS-ի պաշտոնական ներկայացուցիչ Statue Cruises-ի միջոցով: Տոմսի նվազագույն արժեքը 18.5 դոլար է, որում ներառված է այցելությունը տեսարժան վայր եւ թանգարաններ, երկու ուղղություններով լաստանավ զբոսավարի ուղեկցությամբ աուդիո-տուր:

Ամեն օր Ազատության Արձանն ու դրա հարեւանությամբ տեղակայված թանգարաններն այցելում է շուրջ 4.5 մլն մարդ: Զբոսայգու ղեկավարները հայտարարում են, որ մասնավոր տուրերին ուղղված այդ նորամուծությունը թույլ կտա ավելի լավ կառավարել տրանսպորտային հոսքերն ու լավացնել զբոսաշրջիկների ընդհանուր տպավորությունն այցելությունից: Նմանօրինակ սահմանափակումներն արդեն գործում են ԱՄՆ-ի այլ տեսարժան վայրերում, ինչպիսիք են 9/11 հուշահամալիրն իր թանգարանով, Ֆիլադելֆիայում Անկախության Ազգային պատմական այգին եւ Ալկատրասը Սան Ֆրանցիսկոյում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պետերբուրգը լավագույն քաղաքային ուղղություն է ճանաչվել Եվրոպայում
Քաղաքն արդեն հաղթող է ճանաչվել նույն անվանակարգում 2017 թվականին...
Սեւանա լիճը մտել է ամառային հանգստի համար ԱՊՀ լավագույն հանգստավայրերի թոփ հնգյակի մեջ
Ամենից էժան է Իսիկ-Կուլում հանգստանալը, ամենից թանկ՝ Բաքվի հանգստավայրերում…
Արմեն Սարգսյանն ու 3Sixty Strategic Advisors–ի տնօրենը քննարկել են Հայաստանի զբոսաշրջային ոլորտի զարգացման հեռանկարները
Հանդիպմանն անդրադարձ է կատարվել նաեւ առաջին անգամ Հայաստանում կազմակերպված...
Գուրման ճայը զբոսաշրջիկի ձեռքից տարել է լոբստերով սենդվիչը
Հենց այն պահին, երբ կինը պատրաստվել է լուսանկարել, չգիտես որտեղից հայտնվել է քաղցած ճայ եւ նրա ձեռքից տարել է սենդվիչը...
Այս տարվա մայիսին՝ նախորդ մայիսի համեմատ ուղևորահոսքն աճել է 11.7 տոկոսով
2019թ. մայիսին, 2018թ. նույն ժամանակահատվածի համեմատ, «Զվարթնոց»-ում ուղևորահոսքն ավելացել է 13.7 տոկոսով...
Սոչիում բախվել է երկու տուրիստական ավտոբուս. կա 26 տուժած
Տարածաշրջանի առողջապահության նախարարության տվյալներով՝ տուժել է 26 մարդ, այդ թվում՝ երեք երեխա: Նրանք տեղափոխվել են հիվանդանոց…