Միացյալ Նահանգներում այժմ հասանելի է աշխարհում ամենաթանկարժեք սուրճը, սակայն միայն մեկ հատավաճառի սրճարանում եւ սահմանափակ քանակությամբ, փոխանցում է Americaru-ն:
Սուրճը ներմուծվել է Պանամայից, որի 450 գրամն արժե 803 դոլար: Սակայն բովելուց հետո դրա արժեքը հասնում է մինչեւ 1200 դոլարի: Klatch Coffee Roasters ընկերությունը, որը Կալիֆոռնիայում մի քանի մասնաճյուղեր ունի, իր խանութներում կվաճառի այս էքսկլյուզիվ Elida Geisha 803 սուրճի 4,5 կգ:
KGO-ն հայտնում է, որ դա կկազմի սուրճի մոտ 80 գավաթ: Յուրաքանչյուրի արժեքն է 75 դոլար: KGO սրճարաններում սուրճը պատվերով կպատրաստեն միայն հատուկ ուսուցում անցած բարմենները:
