ԱՄՆ-ում մահապատժի է ենթարկվել 35 տարի առաջ կնոջը սպանելու համար մեղադրված տղամարդը։ Ինչպես տեղեկացնում է AP-ը, մահվանից առաջ տղամարդը աղոթել է եւ սաղմոսներ երգել։
68-ամյա Դոն Ջոնսոնին մահապատժի են ենթարկել մահացու ներարկման միջոցով Նեշվիլի խիստ ռեժիմի բանտում այն բանի համար, որ խեղդել է կնոջը՝ Քոնի Ջոնսոնին 1984 թվականին։
Մահվանից առաջ նա ներողություն է խնդրել նրանցից, ովքեր մասնակցում էին մահապատժին՝ ասելով, որ «նրանք չգիտեն, թե ինչ են անում»։
Ներարկումից հետո Ջոնսոնը հարցրել է, թե կարող է արդյոք երգել։ Բանտապետի թույլտվությունն ստանալով՝ նա երգել է «Նրանք կիմանան, որ քրիստոնյա ենք», հետո՝ «Շուտով եւ շատ շուտով»։ Նրա ձայնն ընդհատվել է երկրորդ երգի կեսին՝ «այլեւս չմեռնել» բառերից հետո։
Դրանից շատ չանցած Ջոնսոնը սկսել է ձայներ արձակել, որոնք որոշ ականատեսներ նմանեցրել են խռմփոցի, իսկ ոմանք՝ խեղդվողի խլթխլթոցի։ Ձայները շարունակվել են մոտ երեք րոպե, որից հետո նա լռել է։
