ԱՄՆ նախագահ Դոնալդ Թրամփն ասել է, որ ԱՄՆ-ը չի ձգտում փոխել ռեժիմն Իրանում, տեղեկացնում է ՌԻԱ «Նովոստի»-ն։
«Մենք չենք ձգտում ռեժիմի փոփոխության Իրանում»,- ասել է նա՝ հանդես գալով մամուլի ասուլիսում Ճապոնիայի վարչապետ Սինձո Աբեի հետ բանակցություններից հետո։
Նրա խոսքով՝ այն բանից հետո, երբ ԱՄՆ-ը դուրս եկավ Իրանի հետ միջուկային ծրագրից, Թեհրանը փոխեց իր վարքագիծը տարածաշրջանում «լուրջ տնտեսական խնդիրների պատճառով»։
Թրամփն ավելացրել է, որ, նրա կարծիքով, ԱՄՆ-ը եւ Իրանը «կկարողանան հասնել գործարքի»։ «Իրանը հսկայական տնտեսական պոտենցիալ ունի։ Ես գիտեմ այնքան շատ մարդկանց Իրանից. դրանք հիանալի մարդիկ են, նրանք հնարավորություն ունեն մեծ երկիր լինելու ներկա ղեկավարությամբ»,- ասել է նախագահը։
