Կառավարության դանդաղկոտության պատճառով խախտվել էր 2018 թվականի բյուջեի կատարման հաշվետության քննարկումների ժամանակացույցը, որն ընդունել էր ԱԺ-ն: Հունիսիս 7-ին ԱԺ արտահերթ նիստին այս մասին հայտարարեց «Լուսավոր Հայաստան» կուսակցությունից պատգամավոր Մանե Թանդիլյանը:
Նրա խոսքով այդ ամենի պատճառով պատգամավորները ստիպված են կառավարութայն անդամներին խնդրել արագ ռեժիմով 2-3 րոպեում ներկայացնել այն աշխատանքը, որը նրանց կողմից կատարվել է մեկ տարում:
«Ես խնդրում եմ ձեզ, որ սա լինի առաջին եւ վերջին անգամը, որ պետական բյուջեի կատարման հաշվետվության քննարկման հետ միաժամանակ կառավարության կողմից նախաձեռնված այլ օրենքներ ներկայացվեն խորհրդարանի քննարկմանը:
Սա պարզապես անընդունելի է: Մենք չենք կարող ընդհատել պետական բյուջեի կատարման հաշվետվության քննարկումը, քանի որ կառավարությունը ուշացումով արտահերթ նիստ է հրավիրել, որպեսզի օրակարգում նոր օրինագծեր մտցնի», - դժգոհեց Թանդիլյանը: