Այսօր՝ հունիսի 8-ին, Բրիտանիայի թագուհի Եղիսաբեթ երկրորդի ծննդյան պաշտոնական օրը անցկացվել է Trooping the Color parade ամենամյա շքեղ շքերթը հաղորդում է Associated Press-ը:

Վեսթմինսթրում ավանդական կարմիր վերարկուներով եւ արջի մորթուց գլխարկներով մոտ 1400 զինվորներ քայլերթ են իրականացրել հեծյալ գվարդիայի հրապարակում:

Արարողությանը բացի թագուհուց ներկա են եղել նաեւ արքայազն Չարլզը, արքայազն Ուիլյամը կնոջ՝ Քեյթի հետ եւ արքայազն Հարին կնոջ՝ Մեգանի հետ:

Սենթ Ջեյմս այգու մոտ շքերթը դիտելու համար հավաքվել են հազարավոր մարդիկ: