News
Լրահոս
News
Կիրակի
Սեպտեմբեր 15
USD
476.18
EUR
528.61
RUB
7.41
ME-USD
0.1
Տեսնել լրահոսը

ՀՀ պետական եւ քաղաքական գործիչ, փորձառու դիվանագետ, Թուրքմենստանում ՀՀ դեսպան Գառնիկ Բադալյանի հոգեհանգստի արարողությունը տեղի կունենա հունիսի 16-ին, ժամը 18:00-20:00-ին Կոնդի Սուրբ Հովհաննես եկեղեցում։ Վերջին հրաժեշտը տեղի կունենա հունիսի 17-ին, ժամը 13:00-ին՝ նույն վայրից: Այս մասին տեղեկացրին ՀՀ արտաքին գործերի նախարարության լրատվության եւ հանրային դիվանագիտության վարչությունից։

«Խորը կսկիծով հայտնում ենք, որ 2019թ. հունիսի 12-ին, 61 տարեկան հասակում կյանքից հեռացել է ՀՀ պետական եւ քաղաքական գործիչ, փորձառու դիվանագետ, Թուրքմենստանում ՀՀ դեսպան Գառնիկ Բադալյանը, ով բազմամյա ակտիվ քաղաքական գործունեության եւ փորձի շնորհիվ իր անգնահատելի ներդրումն է ունեցել Հայաստանի Հանրապետության դիվանագիտության եւ արտաքին քաղաքականության կայացման գործում։

Գառնիկ Բադալյանը ծնվել է 1958թ., Դաշքեսանի շրջանի Բանանց գյուղում: 1986թ. ավարտել է ԵՊՀ արեւելագիտության ֆակուլտետի իրանական բանասիրության բաժինը:

1991թ-ից ներգրավվել է դիվանագիտական ծառայության մեջ․ 1991-1992թթ.ԱԳՆ մամուլի քարտուղար եւ տեղեկատվության բաժնի վարիչ, 1993-1994թթ. ԻԻՀ-ում ՀՀ դեսպանության, այնուհետեւ՝ Մերձավոր եւ Միջին Արեւելքի վարչության Իրանի բաժնի 2-րդ քարտուղար: 1994-1997թթ. աշխատել է որպես ՀՀ տրանսպորտի նախարարության կառուցվող օբյեկտների տնօրինության Իրանի հետ կապերի գծով գլխավոր մասնագետ:

2004-2010թթ. ընթացքում հանդիսացել է ԻԻՀ-ում ՀՀ փոխդեսպան, այնուհետեւ՝ դեսպանության դեսպանորդի պաշտոնակատար, ԱԳՆ Մերձավոր եւ Միջին Արեւելքի վարչության խորհրդական, Հայաստան-Իրան-Թուրքմենստան միջկառավարական հանձնաժողովի պատասխանատու քարտուղար, ՀԱՊԿ ԱԳ նախարարների խորհրդի Աֆղանստանի հարցերով աշխատանքային խմբի Ազգային համակարգող ԱԳՆ Մերձավոր եւ Միջին Արեւելքի վարչության պետի պաշտոնակատար:

2018թ․ նշանակվել է Թուրքմենստանում Հայաստանի Հանրապետության արտակարգ եւ լիազոր դեսպան, իսկ 2019թ․ մայիսից, համատեղության կարգով, Աֆղանստանի Իսլամական Հանրապետությունում եւ Տաջիկստանի Հանրապետությունում ՀՀ արտակարգ եւ լիազոր դեսպան (նստավայրը՝ Աշխաբադ):

Արժանացել է ԽՍՀՄ եւ Աֆղանստանի կառավարական եւ ռազմական պարգեւների, ինչպես նաեւ՝ ՀՀ ԱԳՆ խրախուսանքների։

Գառնիկ Բադալյանը նաեւ նշանակալի ավանդ է ունեցել գիտական ասպարեզում՝ հեղինակելով մի շարք գրքեր եւ գիտական աշխատանքներ։

Փորձառու դիվանագետի, գործընկերների հարգանքը եւ հարազատների սերը վայելող Գառնիկ Բադալյանի հիշատակը վառ կմնա մեր հիշողություններում։

Մեր խորին ցավակցությունն ենք հայտնում պարոն Բադալյանի ընտանիքին եւ բոլոր նրանց, ովքեր սգում են նրա կորուստը»,- նշված է հաղորդագրության մեջ։

Տպել
Կարդացեք նաև
Ամբողջը
Արմեն Սարգսյանը եւ նրա տիկինը ցավակցական հեռագիր են հղել Արամ Ա-ի մոր մահվան կապակցությամբ
Խորին ցավ ապրեցի՝ ստանալով Ձեր սիրելի մոր՝ մեծահարգ Լուսին Քեշիշյանի մահվան գույժը...
Բեյրութում մահացել է Արամ Ա Կաթողիկոսի մայրը
Տիրամայր Լուսին Քեշիշյանի (ծնված 1928-ին) հրաժեշտի վերջին արարողությունը կատարվելու է առաջիկա չորեքշաբթի օրը...
Կյանքից հեռացել է սցենարիստ Մարդիկ Մարտինը՝ Մարտին Սկորսեզեի ընկերը
Մարդիկ Մարտինը ծնվել է 1936 թվականին հայերի ընտանիքում Իրանում, որտեղ նրա ծնունդով Վանից ծնողները տեղափոխվել էին Հայոց ցեղասպանությունից փրկվելու նպատակով․․․
Ուրուգվայի նախագահը սկսել է ճառագայթային թերապիայի կուրս ստանալ
Վասկեսն իր նախագահության առաջին ժամկետում (2005-2010 թվականներ) հակածխախոտային մեծ արշավ էր ծավալել…
Մահացել է Ռուսաստանի ժողովրդական արտիստուհի Ալեքսանդրա Նազարովան
Նկարահանվել է ավելի քան 80 ֆիլմերում եւ հեռուստասերիալներում, որոնց թվում՝ «Սահման. Տայգայական սիրավեպ», «Բրիգադա», «Գիշերային դետք», «Տոնածառեր 1914»...
Մահացել է Ռոջեր ճագար եւ Վարդագույն հովազ մուլտհերոսների ստեղծող Ռիչարդ Ուիլյամսը
«Նա իսկապես ոգեշնչում էր բոլորին, իրեն հանդիպած յուրաքանչյուրին՝ անկախ նրանից, թե նրանք անիմատորներ էին կամ պատկանում էին հասարակության բարձր խավերին»...