News
Լրահոս
News
Ուրբաթ
Հուլիս 19
USD
476.41
EUR
535.1
RUB
7.57
ME-USD
0.17
Տեսնել լրահոսը

ԱՄՆ-ի նախագահ Դոնալդ Թրամփը կքննարկի Հոնկոնգում ընթացող զանգվածային բողոքի ցույցերը իր չինացի գործընկեր Սի Ցզինպինի հետ հանդիպման ժամանակ G20-ի առաջիկա գագաթնաժողովի շրջանակներում, հայտարարել է պետքարտուղար Մայք Պոմպեոն:

«Ես կարծում եմ, որ մենք կունենանք հնարավորություն հանդիպելու նախագահ Սի Ցզինպինին ընդամենը մի քանի շաբաթ անց՝ G20-ի գագաթնաժողովի ժամանակ: Ես վստահ եմ, որ դա կլինի հարցերից մեկը, որը կքննարկեն նրանք»,ասել է Պոմպեոն «Fox News Sunday»-ին տված հարցազրույցում:

«Մենք տեսնում ենք, թե ինչ է տեղի ունենում Հոնկոնքում: Մենք հետեւում ենք՝ ինչպես են Հոնկոնգի բնակիչներն ասում, թե ինչն է թանկ նրանց համար»,-հավելել է Պոմպեոն:

Անցած շաբաթ Թրամփն ասել է, որ հույս ունի, որ ցուցարարները, որոնք դուրս են եկել փողոց արտահանձնման  մասին վիճելի օրենքը քննադատելու համար, կլուծեն Չինաստանի հետ հարցը:

«Հանրապետական եւ դեմոկրատ նախագահների օրոք տեւական ժամանակ մենք թույլ ենք տվել Չինաստանին օգտագործել մեզ առեւտրում եւ մնացած առումներով: Նախագահ Թրամփը հսկայական դիմադրություն է ցույց տվել նրանց»,-նշել է նա:

2019 թվականին G20-ի գագաթնաժողովը կկայանա ճապոնական Օսակա քաղաքում հունիսի 28-29-ը:

!
Այս նյութը հասանելի է նաև   English and Русский
Տպել
Ամենաշատ