Ուրախ եմ, որ ԵԱՏՄ շրջանակում գործընկերների միջեւ համագործակցությունն ընդլայնելու հնարավորություն կա: Այս մասին այսօր Երևանում Cheese and Wine Business ձեւաչափով անցկացվող «HoReCaExpo-2019» միջազգային ցուցահանդեսի ժամանակ հայտարարել է ՀՀ-ում Բելառուսի դեսպան Իգոր Նազարուկը:
«Ուրախ եմ, որ ակտիվացվում է գործունեության այդ ուղղությունը: Ուրախ եմ, որ ԵԱՏՄ շրջանակում գործընկերների միջեւ համագործակցությունն ընդլայնելու հնարավորություն կա»,- ասել է դեսպանը:
Դիվանագետը նշել է, որ ԵԱՏՄ-ն առեւտրային, ֆինանսական եւ աշխատանքային հարցերի հետ մեկտեղ լուծում է ծառայությունների ազատ տեղաշարժի հարցը:
«Չէ՞ որ ռեստորանային եւ հյուրանոցային բիզնես ծառայություններ են: Ընդհանուր առմամբ, դա նոր հնարավորություններ է բացում տուրիստական պոտենցիալի ուժգնացման համար: Սակայն պետք չէ մոռանալ նաեւ տրանսպորտային հարցի մասին: Օրինակ, Բելառուսն ավելացրել է Երեւան ուղիղ չվերթների հաճախականությունը, մենք շաբաթական 3 ուղիղ չվերթ ունենք»,-ասել է Նազարուկը՝ նշելով, որ վաղը՝ հունիսի 21-ին, Մինսկում կմեկնարկեն երկրորդ եվրոպական սպորտային խաղերը: Նա նաև հրավիրել է այցելել Մինսկ:
Նշենք, որ ԵԱՏՄ երկրների շրջանում Հայաստանը որպես հեռանկարային տարածաշրջան հանգստի, տուրիզմի եւ ներդրումների ոլորտներում առաջատարի դիրք է զբաղեցնում: Դրա հետ կապված՝ Cheese and Wine Business ձեւաչափով «HoReCaExpo-2019» միջազգային ցուցահանդեսն օբյեկտիվորեն արտացոլում է հայկական տնտեսության այդ հատվածում իրավիճակը, հնարավորություն է տալիս բիզնեսի զագարցման գործընթացում ճիշտ ուղենիշի ընտրության եւ ապագա հեռանկարների կողմնորոշման համար:
